U Breście abvieščany konkurs na pomnik Bieraściejskaj Biblii
U Breście da 500-hodździa biełaruskaha knihadrukavańnia ŭstalujuć Bieraściejskaj Biblii, paviedamiŭ BIEŁTA namieśnik načalnika ŭpraŭleńnia kultury hałoŭnaha ŭpraŭleńnia ideałahičnaj raboty, kultury i pa spravach moładzi Bresckaha abłvykankama Viačasłaŭ Harbuzaŭ.
wikipedia.org
U Bresckaj vobłaści siońnia abjaŭleny adkryty konkurs na raspracoŭku eskiznaha prajekta pamiatnaha znaka, pryśviečanaha vydadzienaj u 1563 hodzie Bieraściejskaj Biblii. Inicyjatyva prymierkavanaja da 500-hodździa knihadrukavańnia Biełarusi. Pryjom zajavak ad udzielnikaŭ budzie prachodzić da 12 červienia. «Da stvareńnia pomnika Bieraściejskaj Biblii my chočam pryciahnuć jak maha bolš ludziej. Da konkursu mohuć dałučycca i prapanavać svaje varyjanty žychary ŭsich rehijonaŭ Biełarusi, zamiežnyja majstry», — padkreśliŭ Viačasłaŭ Harbuzaŭ.
Raboty pavinny być vykananyja na listach farmatu A3 ci A4 i dapoŭnienyja kampazicyjnym rašeńniem (abjomna-prastoravaj madellu), vykananym ź luboha materyjału. Eskizy majstry mohuć dasyłać na adras upraŭleńnia kultury Bresckaj abłvykankama (vuł. Kamunistyčnaja, 1). Najlepšy prajekt budzie abrany na abłasnym mastacka-ekśpiertnym saviecie. Pieramožcu tvorčaha konkursu čakaje hrašovaja premija ŭ 40 bazavych vieličyń (adna BV ciapier składaje Br23).
Pomnik Bresckaj Biblii płanujecca ŭstalavać u abłasnym centry na skryžavańni vulic Puškinskaja i Kirava, pablizu abłasnoj biblijateki imia Horkaha. Adkryćcio abjekta namiečanaje na vosień padčas praviadzieńnia mižnarodnaj navukova-praktyčnaj kanfierencyi «Bieraściejskija knihazbory».
Finansavacca prajekt budzie za košt abłasnoha biudžetu, sponsarskich achviaravańniaŭ, u tym liku ŭ zbory srodkaŭ prapanujecca paŭdzielničać hramadskim i relihijnym arhanizacyjam.
«Bieraściejskaja Biblija — adno z samych poŭnych, cikavych i jakasnych vydańniaŭ taho času na terytoryi Vialikaha kniastva Litoŭskaha. Usiaho zastałosia kala 120 asobnikaŭ knihi. Na žal, u Bresckaj vobłaści poŭnaha zboru niama. U abłasnoj biblijatecy zachoŭvajecca tolki častka knihi — bolš za 100 staronak aryhinała Biblii», — skazaŭ namieśnik načalnika ŭpraŭleńnia kultury.
