Kirył Rudy: Kitaj hatovy pieranosić vytvorčaść u Biełaruś, bo tut nižejšyja zarobki

Zarobki kitajcaŭ užo apiaredžvajuć zarobak biełarusaŭ, i pa hetaj pryčynie kampanii Kitaja razhladajuć pytańnie ab pieranosie vytvorčaści ŭ Biełaruś. Pra heta paviedamiŭ biełaruski pasoł u Kitai Kirył Rudy.

Dypłamat adznačyŭ, što ŭ apošni čas zarabotnaja płata ŭ Kitajskaj Narodnaj Respublicy pavialičvajecca imklivymi tempami. Za 2016 hod siaredni zarobak kitajcaŭ dasiahnuŭ 700 dalaraŭ, a ŭ niekatorych pravincyjach i zusim pieravysiŭ 1000 dalaraŭ. Pa hetaj pryčynie kampanii Kitaja stali vynosić vytvorčaści ŭ krainy z bolš nizkim uzroŭniem zarpłaty, piša BiełTA.

«I ŭ suviazi z hetym my stanovimsia ŭsio bolš pryvabnyja — ź nievysokaj umieranaj zarabotnaj płataj i dosyć vysokaj pradukcyjnaściu pracy», — paviedamiŭ Kirył Rudy.

0

0

0

0

0

0