Hramadzianin Rasii asudžany ŭ Estonii za špijanaž na piać hadoŭ turmy
Charjuski paviatovy sud u Estonii prysudziŭ piać hadoŭ turmy hramadzianinu Rasiei Arciomu Zinčanku za supracoŭnictva z vajskovaj vyviedkaj Rasiei.
U dziaržaŭnaj prakuratury Estonii śćviardžajuć, što HRU zaverbavała Zinčanku ŭ 2009 hodzie. Z 2013 hodu i da momantu zatrymańnia jon udzielničaŭ u aperatyŭna-taktyčnaj pracy, nakiravanaj suprać biaśpieki Estonii.
U jaho zadačy ŭvachodziŭ zbor infarmacyi pra abjekty dziaržaŭnaj biaśpieki i žyćciova važnyja abjekty na terytoryi Estonii i fiksacyja pieramiaščeńniaŭ vajskovaj techniki Siłaŭ abarony Estonii i sajuźnikaŭ na terytoryi krainy. Akramia taho, Zinčanka mieŭsia znachodzić uzory vajskovaj techniki — naprykład, srodkaŭ suviazi. Sabranyja źviestki i ŭzory Zinčanka pieradavaŭ supracoŭnikam HRU, ź jakimi sustrakaŭsia ŭ Pieciarburhu.
Arciom Zinčanka — hramadzianin Rasiei, jaki pražyvaje ŭ Estonii z dazvołam na žycharstva ad 2013 hodu.
