U JEAES chočuć źnizić paroh biazmytnaha ŭvozu tavaraŭ u try razy
Maksimalny košt tavaraŭ, jakija možna budzie ŭvozić na terytoryju krain Jeŭrazijskaha ekanamičnaha sajuza (JEAES) dla asabistaha karystańnia, źnizicca z €1500 da €500. Pra heta havorycca ŭ prajekcie dakumienta Jeŭrazijskaj ekanamičnaj kamisii (JEEK).
Miarkujecca, što źnižeńnie budzie adbyvacca pastupova — u 2017 i 2018 hadach paroh zastaniecca raniejšym, u 2019 hodzie składzie €1 tys., u 2020 — €750 i €500 — pačynajučy z 2021 hoda.
Akramia taho, pavodle dakumienta, budzie panižana maksimalnaja vaha tavaraŭ, jakija možna ŭvozić biez pošlin. Jana źmienicca ź ciapierašnich 50 kh da 25 kh ŭ 2021 hodzie.
Usie hetyja źmieny zakranuć tolki tych hramadzian, jakija buduć prybyvać na terytoryju krain JEAES na naziemnym transparcie — na aŭtamabilach, aŭtobusach, ciahnikach i marskich sudach. Akramia taho, havorka idzie vyklučna pra tavary dla asabistaha karystańnia.
Dla tych tavaraŭ, jakija buduć pieravozicca ŭ asabistych metach na samalotach, maksimalnyja vaha i košt zastanucca raniejšymi — 50 kh i €10 tys. adpaviedna.
