Suprać napadnikaŭ na Navalnaha raspačali kryminalnuju spravu
Pa fakcie napadu na Alaksieja Navalnaha, u vyniku jakoha jon atrymaŭ chimičny apiok voka, raspačata kryminalnaja sprava pa artykule ab źbićci. Na dumku advakata, havorka pavinna iści pra chulihanstva, učynienaje hrupaj asob.
Alaksiej Navalny paśla napadu.
Pa fakcie napadu na apazicyjaniera Alaksieja Navalnaha, padčas jakoha jaho ablili zialonkaj, raspačata kryminalnaja sprava. Heta adbyłosia praz dva dni paśla napadu, 29 krasavika, piša u čaćvier, 4 maja, hazieta «Viedomosti» sa spasyłkaj na krynicy ŭ orhanach ułady i śledčych orhanach.
Infarmacyju pra pačatak rasśledavańnia pa artykule KK RF pra paboi, paćvierdziła aficyjny pradstaŭnik prakuratury Maskvy Alena Rosochina.
«Nam zdajecca, što kvalifikacyja pa artykule «źbićcio» pamyłkovaja, tamu, ja dumaju, što ŭ dalejšym pavinny ŭsio ž taki spravu pierakvalifikavać na artykuł «chulihanstva, ździejśnienaje hrupaj asob», — zajaviŭ advakat apazycyjaniera Ivan Ždanaŭ.
27 krasavika ŭ vyniku napadu rasijski apazicyjanier atrymaŭ chimičny apiok pravaha voka, jakoje straciła kala 85% zroku. Daktary rajać jamu prajści lačeńnie za miažoj. Siońnia jamu dazvolili atrymać zamiežny pašpart.
Internaŭty zmahli apaznać dvuch mužčyn, jakija ŭdzielničali ŭ napadzie. Admietna, što prakramloŭski telekanał RenTV apieratyŭna apublikavaŭ videa incydentu, ale zamazaŭ tvary… napadnikaŭ!