Francuzskaja palicyja praviała vobšuk zbornaj Biełarusi pa chakiei, MZS adreahavała
Jak stała viadoma Tribuna.com, palicyja Francyi praviała vobšuk trenierskaha štaba zbornaj Biełarusi, a taksama niekalkich chakieistaŭ, u liku jakich apynulisia Jahor Šaranhovič i Andrej Kaścicyn.
Zbornaja Biełarusi na ciahniku paśla tavaryskich matčaŭ z haspadarami čempijanatu śvietu pierajazdžała z Bardo ŭ Paryž. Pa pryjeździe ŭsie pasažyry ciahnika byli adpuščanyja, a palicyja praviała pilny vobšuk bahažu hałoŭnaha treniera Dejva Ljuisa, jaho pamočnikaŭ Krejha Vudkrafta i Aleha Antonienki. Taksama pracedury pieratrusu byli padvierhnutyja forvardy Jahor Šaranhovič i Andrej Kaścicyn. Pracedura zaniała kala paŭhadziny.
Paśla taho jak palicyjantam nie ŭdałosia ničoha znajści, usie byli adpuščanyja.
— Kali ciahnik prybyŭ, nas, nibyta ŭ metach biaśpieki, paprasili zatrymacca ŭ vahonie. Praź niekalki chvilin, kali byŭ dadzieny dazvoł na vychad, my patrapili ŭ palicejskaje ačapleńnie, jakoje niečakana pieratvaryłasia ŭ impravizavany punkt mytnaha nadhladu. Pryčym davoli žorstkaha: asabistyja rečy hulcoŭ i trenieraŭ padvierhlisia vielmi starannamu nadhladu. Jak zdałosia, z asablivaj starannaściu dahladali bahaž uzrostavych trenieraŭ. Što tyčycca doktara našaj zbornaj, to ŭ jaho rečach pierahledzieli kožnuju tabletku i ampułu. Pry hetym, što cikava, pierakładčykam vystupaŭ francuzski hid našaj kamandy: vidać, nichto z nadhladčykaŭ nie vałodaŭ kirylicaj.
Usie sproby vyśvietlić, u čym sprava, natykalisia na žorstkaje «nie pieraškadžajcie pracavać». Nadhlad doŭžyŭsia kala 20 chvilin, i ŭvieś hety čas my znachodzilisia ŭ ačapleńni ludziej u formie. Zdajecca, akramia palicyi, tam byli i vajskoŭcy. Skončyłasia heta tym, što nam skazali «dobra, u vas usio ŭ paradku», — prakamientavaŭ incydent «Priessbołu» adzin ź vidavočcaŭ padziei.
Pres-sakratar Fiederacyi chakieja Biełarusi Jaŭhienija Nikicina u telefonnaj razmovie z karespandentam Tut.by ad aficyjnych kamientaroŭ pakul ustrymałasia. Jana adznačyła, što zbornaja Biełarusi ŭžo dabrałasia da miesca dysłakacyi ŭ Paryžy, zasialiłasia ŭ hatel i paviačerała.
Ministerstva zamiežnych spraŭ Biełarusi ŭ aficyjnym tvitary paviedamiła, što pasolstva ŭ Francyi padtrymlivaje kantakt sa zbornaj pa chakiei. U suviazi ź pieratrusam u francuzskaha boku zapytany tłumačeńni.
Napiaredadni Alimpijskich hulniaŭ u Rya francuzskaja palicyja praviała pieratrus u raźmiaščeńni zbornaj Biełarusi pa viesłavańni na bajdarkach i kanoe, jakaja pravodziła trenirovačny zbor u Francyi. Pa vynikach rasśledavańnia zbornaja Biełarusi była adchilenaja ad udziełu ŭ Alimpijadzie-2016 u Rya-de-Žaniejra. Paźniej biełaruski bok vyjhraŭ sud i byŭ apraŭdany.
Čempijanat śvietu pa chakiei projdzie ŭ Kiolnie i Paryžy z 5 pa 21 maja.
