DAI na čas Radaŭnicy źmienić arhanizacyju ruchu ŭ rajonie mohiłak
U pieryjad masavaha naviedvańnia mohiłak, kab paźbiehnuć zatoravych situacyj, arhanizacyja ruchu na prylehłych da mohiłak učastkach daroh budzie źmienienaja. Pra heta paviedamili va UDAI MUS.
Paŭnočnyja mohiłki
Z 22 pa 25 krasavika na ŭčastku darohi N9031 Kałodziščy — Zasłaŭje, jaki prylahaje da Paŭnočnych mohiłak, z boku kalcavoha pierasiačeńnia z darohaj R58 Minsk — Kałačy — Miadzieł u napramku skryžavańnia z padjezdam da vioski Zabałoćcie budzie arhanizavany adnabakovy ruch z vyłučeńniem pałasy sustrečnaha kirunku dla hramadskaha transpartu.
Transpartnyja srodki, jakija ruchajucca z boku MKAD u viosku Cnu dla ŭjezdu na mohiłki, buduć nakiravanyja ŭ abjezd — pa darohach Dubaŭlany — Baraŭlany — Karaloŭ Stan i Minsk — Kałačy — Miadzieł.
Takim čynam, padjezd da Paŭnočnych mohiłak budzie ažyćciaŭlacca ŭ adnabakovym režymie z boku darohi R58 Minsk — Kałačy — Miadzieł.
Transpartnyja srodki naviedvalnikaŭ mohiłak u suviazi z adsutnaściu stajanak dastatkovaj umiaščalnaści buduć raźmieščanyja na pravaj abočynie darohi Kałodziščy — Zasłaŭje ŭ peŭnych miescach, a taksama na isnujučych haściavych stajankach i terytoryi mohiłak.
Čyžoŭskija mohiłki
25 krasavika, na MKAD u rajonie Čyžoŭskich mohiłak adkryjuć raździalalnuju aharodžu, arhanizavaŭšy dadatkovy naziemny piešachodny pierachod. U suviazi z hetym maksimalna dazvolenuju chutkaść u hetym rajonie źniziać da 50 km/č.
Ruch na padjaznoj darozie ad MKAD da mohiłak stanie adnabakovym. Vyjezd transpartnych srodkaŭ budzie ažyćciaŭlacca ŭzdoŭž mohiłak, a dalej praz pasiołak Novy dvor.
Dadatkovyja miescy dla stajanki transpartnych srodkaŭ vydzielać na ŭčastku pola pierad ujezdam na terytoryju mohiłak. Prypynieńnie i stajanka aŭtamabilaŭ tut budzie dazvolenaja z suboty da aŭtorka.
Michanavickija mohiłki
Padjezd da mohiłak indyvidualnaha transpartu, jaki ruchajecca z boku Minska, budzie ažyćciaŭlacca pa darozie Novy Dvor — Michanavičy — Piacieŭščyna praz pasiołak Michanavičy, vyjezd z mohiłak — pa darozie Asiejevka — Michanavičy i Smalavičy — Samachvałavičy — Nieharełaje.
Aŭtamabili ŭ suviazi z adsutnaściu dastatkovaj kolkaści stajanačnych miescaŭ buduć raźmiaščacca na abočynach prylehłych da mohiłak prajezdaŭ, a taksama na terytoryi mohiłak z ujezdam u asnoŭnuju bramu i vyjezdam praz zapasnuju bramu ŭ kalcavym režymie.
U pieryjad zapaŭnieńnia razvarotnaj placoŭki aŭtobusami ŭjezd i vyjezd asabistaha transpartu budzie ažyćciaŭlacca praz zapasnuju bramu.
Jak paviedamili ŭ HUUS Minharvykankama, 25 krasavika z 7.30 da 20.00 budzie abmiežavanaja stajanka transpartnych srodkaŭ na nastupnych učastkach Minska:
— pa vulicy Kulman na ŭčastku ad vulicy Bahdanoviča da vulicy Krapotkina;
— pa vulicy Arłoŭskaj na ŭčastku ad vulicy Karastajanavaj da płoščy Banhałor;
— pa vulicy Bahdanoviča na ŭčastku ad płoščy Banhałor da vulicy Kulman;
— pa vulicy Ubareviča na ŭčastku ad prajezdu Haładzieda da vulicy Taškienckaj;
— pa miascovym prajeździe ŭzdoŭž praśpiekta Niezaležnaści ad vulicy Rusijanava da vulicy Starynaŭskaj.