Atrakcyjony ŭ Minsku pačnuć pracu 21 krasavika
Atrakcyjony ŭ Minsku 21 krasavika pačynajuć siezon pracy, paviedamili BIEŁTA va ŭpraŭleńni «Haradskija parki UP «Minskzielanbud».
Na sajcie ŭpraŭleńnia raźmieščany prejskurant i režym pracy atrakcyjonaŭ. Ceny ŭ paraŭnańni ź minułym hodam pavialičylisia nie bolš čym na 9%, a na niekatoryja zastalisia raniejšymi.
Tak, prakacicca na «Kole ahladu» ŭ parku kultury i adpačynku imia Čaluskincaŭ budzie kaštavać Br1,8 (dla šmatdzietnych siemjaŭ — Br1,4), «Kole ahladu» ŭ Centralnym dziciačym parku imia M.Horkaha — Br2,5 u zakrytaj i Br3 u adkrytaj kabinkach (Br1,9 i Br2,3 adpaviedna dla šmatdzietnych).
Kvitki na atrakcyjony «Kalipsa», «Kałabok», «Vals», «Paravozik», «Areliki», «Mulciaški», «Salta» abyducca ŭ Br2, «Katalnaja hara», «Aŭtadrom», «Zadyjak», «Dziki ciahnik», «Latajučaja talerka» — u Br2,5. Tańniej za ŭsio (cana kvitka nie pieravyšaje Br1) zvadzić dzicia ŭ pakoj śmiechu i na «Ruskija areli». Samy darahi atrakcyjon — «Zihzah» (Br3,5).
Naviedvańnie atrakcyjonaŭ «Ładździa», «Łaŭka», «Lebiedzi», batutaŭ «Kienhuru» i «Tramplin», «Mini-džet», «Kłoŭn» kaštuje Br1,2 — Br1,8. Pa rubli treba addać za katańnie na dziciačaj łancuhovaj karusieli i kole ahladu, atrakcyjonach «Drakoša», «Mini-ciahnik», «Sabački», «Vieža-skakałka».
Na bałansie UP «Minskzielenbud» znachodziacca parki imia Horkaha, Čaluskincaŭ, 50-hodździa Vialikaha Kastryčnika i 900-hodździa Minska, u jakich ekspłuatujecca bolš za 50 atrakcyjonaŭ. Bolš za ŭsio zabaŭ dla dziaciej u parkach imia Horkaha i Čaluskincaŭ — 20 i 17 adpaviedna. Jany pracujuć u asnoŭnym biez vychadnych (u paniadziełak — z 15.00 da 21.00, u astatnija dni z 10.00-11.00 da 21.00-22.00). U parkach imia 50-hodździa Vialikaha Kastryčnika i 900-hodździa Minska vychadnyja dni — paniadziełak i aŭtorak.
U krasaviku i mai ŭ suviazi ź pieranosam rabočych dzion režym pracy parkaŭ mianiajecca. Tak, 24-25 krasavika atrakcyjony va ŭsich parkach buduć pracavać z 11.00 da 22.00. 26-27 krasavika ŭ parkach 50-hodździa Vialikaha Kastryčnika i 900-hodździa Minska vychadny, a parki imia Horkaha i Čaluskincaŭ 26 krasavika pracujuć pa hrafiku paniadziełka.
