Azaranka: Pieramohi na turnirach važnyja, ale dzicia i siamja — heta hałoŭnaje
Pieramohi na prestyžnych turnirach vielmi važnyja i pryjemnyja, ale naradžeńnie dziciaci i siamiejnaje ščaście bolš važna.
Takoje mierkavańnie vykazała siońnia žurnalistam u Minsku viadučaja biełaruskaja tenisistka Viktoryja Azaranka.
Pytańnie ab žyćciovych kaštoŭnaściach paŭstała ŭ suviazi z tym, što napiaredadni adna z najlepšych tenisistak śvietu za ŭsiu historyju amierykanka Sierena Uiljams paviedamiła ab svajoj ciažarnaści.
Viktoryja Azaranka, jakaja stała mamaj u śniežni minułaha hoda, skazała, što ŭžo parazmaŭlała ź Sierenaj, pavinšavała jaje i pažadała usialakich pośpiechaŭ. Sierena Uiljams damahłasia bliskučych vynikaŭ, vyjhraŭšy masu raznastajnych tytułaŭ, ale, padkreśliła Viktoryja, spartyŭnyja dasiahnieńni ŭsio ž nie tak važnyja dla žančyny, jak siamja i dzicia.
Azaranka skazała, što zaŭsiody hatovaja dapamahčy Sierenie Uiljams u žyćciovych pytańniach, bo jany daŭno źjaŭlajucca dobrymi siabroŭkami, niahledziačy na supiernictva na kortach.
