Troje hramadzian Kuby sprabavali niezakonna pierajści miažu pry dapamozie navihatara
Troje hramadzian Kuby sprabavali niezakonna pierajści miažu pry dapamozie navihatara. Takaja infarmacyja raźmieščanaja na sajcie Dziaržpamiežkamiteta.
Incydent adbyŭsia 15 krasavika. «Supracoŭniki apieratyŭnych padraździaleńniaŭ Lidskaha pamiežnaha atrada atrymali infarmacyju ab tym, što ŭ Lidu prybyli troje mihrantaŭ. Byŭ arhanizavany kompleks apieratyŭna-vyšukovych mierapryjemstvaŭ, nakiravanych na jaje pravierku. Užo na nastupny dzień supracoŭniki pamiežnaj słužby pa infarmacyi miascovaha nasielnictva na podstupach da dziaržaŭnaj miažy zatrymali troch hramadzian Kuby, jakija rychtavalisia da niezakonnaha pierasiačeńnia miažy. Jany mieli namier trapić u krainy ES dla taho, kab palepšyć umovy svajho žyćcia», — raspaviali ŭ DPK.
Charakternym źjaŭlajecca toj fakt, što kali raniej niezakonnyja mihranty aktyŭna vykarystoŭvali dapamohu pravadyroŭ i pamahatych, to ciapier jany ruchajucca da miažy z užyvańniem mabilnych prahram, dadzienych spadarožnikavaj fotazdymki i navihacyjnych prahram. U ciapierašni čas supracoŭnikami apieratyŭnych padraździaleńniaŭ orhanaŭ pahraničnaj słužby ŭstanoŭlenyja maršruty ruchu, raskrytaja ŭsia schiema supraćpraŭnaj dziejnaści pa niezakonnym pierasiačeńni miažy hramadzianami Kuby. Pravodziacca dalejšyja apieratyŭna-vyšukovyja mierapryjemstvy. Zatrymanyja zamiežniki paśla praviadzieńnia śledčych dziejańniaŭ buduć departavanyja na radzimu.
U biahučym hodzie pamiežniki vyjavili i spynili čatyry sproby niezakonnaha pierasiačeńnia miažy mihrantami z Kuby, usiaho było zatrymana 14 čałaviek.
