Biełaruskija navukoŭcy raspracavali mietodyku hienietyčnaj terapii raku
Biełaruskija navukoŭcy raspracavali mietodyku hienietyčnaj terapii raku z dapamohaj nanamateryjałaŭ (dendrymieraŭ). Pra heta paviedamiŭ BIEŁTAzahadčyk łabaratoryi pratejomika Instytuta bijafiziki i kletačnaj inžynieryi NAN Biełarusi Dźmitryj Ščerbin.
Dla paśpiachovaj hienietyčnaj terapii nieabchodna efiektyŭna dastaŭlać lačebny hienietyčny materyjał u kletki. «My ŭstalavali mahčymaść vykarystańnia dendrymieraŭ jak pierśpiektyŭnych materyjałaŭ dla hetaj mety. Možam z dapamohaj hetych nanamateryjałaŭ dastaŭlać u kletki małyja RNK, jakija zdolnyja błakavać sintez peŭnych białkoŭ, ułaścivych mienavita dla puchlinnych kletak. U vyniku spyniajecca niekantralavany rost puchliny i zapuskajecca praces samaźniščeńnia rakavych kletak», — skazaŭ Dźmitryj Ščerbin.
Taksama navukoŭcy vyjavili, što kali błakavać adrazu try puchlinnyja białki adnačasova, to vyžyvalnaść rakavych kletak źnižajecca da 5%. Hetaja pierśpiektyŭnaja raspracoŭka nie tolki dla lačeńnia raku, ale i dla lačeńnia niejradehienieratyŭnych zachvorvańniaŭ (chvarobaŭ Alchiejmiera, Parkinsana).
«Z dapamohaj dendrymieraŭ dla lačeńnia hetych chvarob možna dastaŭlać u kletki karotkija nukleinavyja kisłaty, zvanyja płaźmidami. Tut adbyvajecca ŭžo zusim inšy praces: płaźmidy dastaŭlajucca ŭ kletku, ubudoŭvajucca ŭ jaje DNK i zapuskajuć vypracoŭku lačebnaha białku, jaki vyklikaje chutkaje i efiektyŭnaje adnaŭleńnie niervovych kletak», — rastłumačyŭ navukoviec.
«Ukaranieńnie hetaj raspracoŭki patrabuje času, prachodžańnia kliničnych vyprabavańniaŭ. Preparat na asnovie dendrymieraŭ moža być stvorany ŭ vyhladzie tabletki, ale lepš, kali jon budzie ŭvodzicca nutravienna», — dadaŭ Dźmitryj Ščerbin. Raspracoŭka biełaruskich navukoŭcaŭ była vysoka acenienaja i ŭvajšła ŭ top-10 vynikaŭ Nacyjanalnaj akademii navuk Biełarusi za 2016 hod.
