Z carkvy ŭ Babrujsku evakujavali 80 čałaviek z-za niačyjnaha pakieta z abrazom
U Babrujsku evakujavali 80 čałaviek z-za niačyjnaha pakieta, paviedamlaje UUS Mahiloŭskaha abłvykankama.
uvd.mogilev.by
Incydent adbyŭsia 9 krasavika kala 12.00 hadzin u Śviata-Nikolskim chramie ŭ Babrujsku. Haradžanie sabralisia na słužbu z nahody Vierbnaj niadzieli. Uvahu adnaho z supracoŭnikaŭ milicyi, jaki achoŭvaŭ hramadski paradak, pryciahnuŭ niačyjny pakiet sa skrynkaj unutry, jaki stajaŭ la ŭvachoda ŭ carkvu. Było pryniataje rašeńnie ab vykliku na miesca sapiorna-piratechničnaj hrupy v/č 5527 i evakuacyi słužačych chrama i naviedvalnikaŭ. Na biaśpiečnuju adlehłaść byli evakujavanyja 80 čałaviek. Aŭtamabilny ruch nie pierakryvaŭsia.
«Pry abśledavańni pakieta sapiorami była znojdzienaja skrynka, a ŭ joj — abraz. Vybuchovaniebiaśpiečnych pradmietaŭ i vybuchovych rečyvaŭ znojdziena nie było. Uładalnik pakieta nie vyjaŭleny. Abraz pieradadzieny ŭ chram, dzie nam patłumačyli, što takija vypadki byli i raniej: ludzi pakidali abrazy la ŭvachoda ŭ chram, žadajučy zastacca nieviadomymi», — raspaviali ŭ pres-słužbie UUS.
