Kanadckaja pravincyja skasavała dres-kod z vysokimi abcasami
Kanadskaja pravincyja Brytanskaja Kałumbija admianiła žorstkija patrabavańni dres-koda na pracoŭnym miescy, zhodna ź jakimi žančyny abaviazany nasić abutak na vysokich abcasach.
Urad pravincyi zajaviŭ, što padobnyja patrabavańni nosiać dyskryminacyjny charaktar, a taksama mohuć pahražać zdaroŭju i biaśpiecy žančyn.
Ułada pierakananaja, što žančyny na vysokich abcasach sutykajucca z ryzykaj atrymać traŭmu — jany mohuć paśliznucca, zvalicca, a taksama paškodzić nohi i śpinu.
Abutak pavinna być sprajektavany tak, kab ludzi mahli pracavać biaśpiečna, havorycca ŭ pastanovie ŭrada Brytanskaj Kałumbii.
Patrabavańni nasić vysokija abcasy - ci to na Kanskim kinafiestyvali, ci na pracoŭnym miescy - u apošni čas stali pradmietam lutych sprečak.
U kancy studzienia dva kamitety brytanskaha parłamienta pradstavili dakład «Vysokija abcasy i pracoŭny dres-kod», dzie prapanoŭvałasia ŭvieści zakon, jaki b zabaraniŭ pracadaŭcam patrabavać ad žančyn zachavańnia dyskryminacyjnaha dres-kodu.
U dakładzie, u pryvatnaści, byŭ zhadany vypadak Nikoli Torp, jakuju adpravili z pracy dadomu z-za taho, što jana źjaviłasia ŭ ofisie ŭ tuflach biez abcasaŭ.
