ZVR Biełarusi zastalisia na ŭzroŭni bolš za $5 miljardaŭ
Zołatavalutnyja reziervy Biełarusi ŭ vyznačeńni SSRD MVF na 1 krasavika 2017 h., pa papiarednich źviestkach, skłali 5 016,1 młn dołaraŭ ZŠA (u ekvivalencie), paviedamlaje pres-słužba Nacbanka.
Za sakavik 2017 hoda zołatavalutnyja reziervy źnizilisia na 6,2 młn dołaraŭ ZŠA (na 0,1%) paśla rostu ŭ lutym 2017 hoda na 37,3 młn dołaraŭ ZŠA (na 0,7%). Pa vynikach I kvartała 2017 hoda pryrost reziervaŭ skłaŭ 88,9 młn dołaraŭ ZŠA (1,8%).
U nacyjanalnym vyznačeńni abjom zołatavalutnych reziervaŭ na 1 krasavika 2017 h. skłaŭ 5 409,1 młn dołaraŭ ZŠA, źniziŭšysia za sakavik na 199,3 młn dołaraŭ ZŠA (na 3,6 pracenta) paśla rostu ŭ lutym 2017 hoda na 214,2 młn dołaraŭ ZŠA (na 4,0 pracenta). Za studzień—sakavik reziervy ŭ nacyjanalnym vyznačeńni vyraśli na 224,1 młn dołaraŭ ZŠA, abo na 4,3 pracenta.
Strymlivajučy ŭpłyŭ na dynamiku reziervaŭ akazała płanavaje pahašeńnie Uradam i Nacyjanalnym bankam Respubliki Biełaruś źniešnich i ŭnutranych abaviazacielstvaŭ u zamiežnaj valucie, a taksama źnižeńnie cany zołata na mižnarodnym rynku kaštoŭnych mietałaŭ.
Padtrymańniu ŭzroŭniu zołatavalutnych reziervaŭ u sakaviku spryjali pastupleńnie srodkaŭ ad prodažu Nacyjanalnym bankam i Ministerstvam finansaŭ Respubliki Biełaruś ablihacyj, naminiravanych u zamiežnaj valucie, pastupleńni ad źbirańnia ekspartnych pošlin na naftu i naftapradukty, a taksama kupla Nacyjanalnym bankam zamiežnaj valuty na tarhach AAT «Biełaruskaja valutna-fondavaja birža».