FK «Tarpieda» prezientavaŭ novuju formu — z vyjavami Minska i proźviščami pa-biełarusku FOTA
Minski «Tarpieda» prezientavaŭ novuju ekskluziŭnuju formu kamandy da 70-hodździa futbolnaha kłuba.
«Sučasnaja forma z histaryčnym adcieńniem — mienavita tak možna akreślić ekipiroŭku «Tarpieda». Jana vykananaja ŭ tradycyjnych čorna-biełych kolerach. Załaty koler elemientaŭ simvalizuje historyju pieramoh i dasiahnieńniaŭ adnaho z najstarejšych futbolny kłubaŭ Biełarusi», — paviedamlaje aficyjny sajt kłuba.
«70 hod minskaha Tarpieda — heta častka historyi našaha horada. Mienavita tamu adnym z centralnych elemientaŭ formy źjaŭlajucca abrysy biełaruskaj stalicy. Dla hetaha byli abranyja 5 najbolš značnych architekturnych simvałaŭ Minska, adnym ź jakich źjaŭlajecca aŭtazavodski stadyjon, miesca, dzie kłub zavajoŭvaŭ najbolšuju kolkaść svaich tytułaŭ», — havorycca na sajcie.
Proźviščy hulcoŭ na śpinie vykananyja na biełaruskaj movie.
Dyzajn formy byŭ raspracavany supracoŭnikami kłuba i vyrableny italjanskaj kampanijaj «Macron».