Paŭnočnaja Kareja zapuściła rakietu ŭ bok Japonii
Paŭnočnaja Kareja praviała čarhovaje vyprabavańnie balistyčnaj rakiety siaredniaj dalokaści. Zapusk rakiety paćvierdziła Cichaakijanskaje kamandavańnie ŭzbrojenych sił ZŠA, piša Bi-bi-si.
Rakieta naziemnaha baziravańnia ŭźlacieła z palihona na ŭschodnim uźbiarežžy Karejskaha paŭvostrava i ŭziała kurs u kirunku Japonii.
Pa dadzienych amierykanskich vajskoŭcaŭ, rakieta nie dalacieła da japonskaj akvatoryi i ŭpała ŭ niejtralnych vodach Japonskaha mora.
Pavodle infarmacyi ministerstva abarony Paŭdniovaj Karei, palot praciahvaŭsia 9 chvilin, za hety čas rakieta pieraadoleła adlehłaść prykładna ŭ 60 kiłamietraŭ.
Čarhovaje vyprabavańnie paŭnočnakarejskaj stratehičnaj zbroi adbyłosia za dzień da vizitu ŭ ZŠA staršyni KNR Si Czińpina.
Adnoj z hałoŭnych tem pieramoŭ kitajskaha lidara z prezidentam ZŠA Donaldam Trampam stanie prablema ŭtajmavańnia rakietna-jadziernych ambicyj Pchieńjana.