Fatohraf biełaruskaj Niezaležnaści. FOTAHALEREJA pamiaci Viktara Strałkoŭskaha
Siońnia ranicaj stała viadoma, što ŭ Minsku pamior fotažurnalist Viktar Strałkoŭski. Jamu było 58 hadoŭ. Strałkoŭski naležaŭ da toj hienieracyi fotažurnalistaŭ, jakaja pačynała pa-novamu dakumientavać prastoru sučasnaj Biełarusi. Prafiesijnuju karjeru Viktar pačaŭ u 1991 hodzie.
Viktar Strałkoŭski. Fota z fejsbuka Alaksandra Kušniera
Viktar Strałkoŭski zachapiŭsia fatahrafijaj jašče ŭ dziacinstvie — baćka padaravaŭ jamu fotakamieru na dzień narodzinaŭ. Strałkoŭski pačynaŭ pracu ŭ «Sovietskoj Biełoruśsii», paśla była praca ŭ hazietach «Kultura», Respublika i BiełTA. Udzielničaŭ u vystavačnych prajektach halerei «Nova». Vielmi mocna siabravaŭ jašče z adnym kłasikam biełaruskaj fotažurnalistyki — Siarhiejem Bruško. U apošnija hady Strałkoŭski vielmi aktyŭna dakumientavaŭ vuličnaje žyćcio ŭ Minsku.
Raźvitańnie ź Viktaram Strałkoŭskim projdzie zaŭtra, 5 krasavika, pa adrasie: Daŭhinaŭski trakt, 160A z 12.00 da 13.00.