U Minsku prajšła pres-kanfierencyja svajakoŭ zatrymanych pa spravie «bajevikoŭ»
U Minsku prachodzić pres-kanfierencyja svajakoŭ zatrymanych.
Nina Šydłoŭskaja kaža, što advakat u paniadziełak budzie padavać skarhu ŭ prakuraturu adnosna niezakonnaha zatrymańnia Mirasłava Łazoŭskaha i tych nie jahonych rečaŭ, jakija nibyta byli znojdzienyja ŭ jahonaj mašynie i jakija pakazała BT.
***
13:03
Žonka Viktara Daniłava Julija raspaviadaje, jak pravodziŭsia pieratrus. Raskazvaje, što zabrali nahavicy zialonaha koleru. Kaža, što pakazanyja hranaty, heta mulažy-suvieniry dla ałoŭkaŭ i asadak.
«Moj muž — adzin z samych vychavanych ludziej, kaho ja viedaju. Jon adukavany i prystojny čałaviek», — kaža jana.
«Heta dla mianie jak vobraz Alesia Zahorskaha z «Kałasoŭ pad siarpom tvaim» Uładzimiera Karatkieviča».
***
13:06
Raskazvaje pra zatrymańnie i pieratrus Alaksandra, žonka Siarhieja Barstka.
Ź pieratrusam pryjšli 10 čałaviek, raskazvaje jana. Małoje dzicia vielmi spałochałasia. Advakat pakul nie moža sustrecca ź im. Pakul nijakaj infarmacyi.
***
13:11
Vystupaje Alaksiej Kavalčuk — rodny brat Ivana Kavalčuka. Sutki nie moh znajści brata, pa RUUS, Akreścina, SIZA KDB, kaža jon.
Brat nikoli nie traplaŭsia ŭ milicyju, aktyvistam nie byŭ, a kanfiskavali vopratku, źviazanuju z budaŭničymi pracami.
***
13:15
Pravaabaronca Valancin Stefanovič zaznačaje, što my nie viedajem padrabiaznaściaŭ hetaj spravy. Ale viedajem adno, zatrymańni pačalisia z 3 sakavika, zatrymana było bolš za 200 čałaviek, ludziej źbivajuć.
«Ułady pačali kampaniju represij, jakaja supravadžajecca isteryjaj u ŚMI — heta my viedajem dakładna. My zaklikajem spynić represii i trymacca kanstytucyi», — kaža Stefanovič.
13:20
Mirasłaŭ byŭ mocny źbity, ale jon fizična krepki čałaviek, kaža Šydłoŭskaja. «Ja pražyła ź im u šlubie 8 hadoŭ. Nikoli nie było ŭ jaho zbroi, a kab była, jon by zarehistravaŭ».
Hetyja ludzi šmat hadoŭ udzielničali ŭ masavych mierapryjemstvach, ale zaŭsiody jany dapamahali zachavańniu paradku. Hetyja ludzi vyvučali historyju, movu, viali zdarovy ład žyćcia. A heta ciapier interpretujecca jak padstava dla taho, kab abvinavacić u niezakonnych dziejańniach.
Advakat Mirasłava Łazoŭskaha, što była na sustrečy ź im z 9-j viečara da 3-j nočy.
Jaŭhien Paŭtaržycki, jakoha ŭčora pakazali na ANT i BT, nikoli nie byŭ u «Biełym lehijonie». «Toje, što jon kazaŭ, chłuśnia».
«Tak, chłopcy źbiralisia ŭdzielničać u akcyi 25 sakavika, ale jany źbiralisia iści tudy śviatkavać, jak adznačajuć kožny hod, ale ni pra jakaje pierakryćcio praśpiektu nie viałosia. Jany byli suprać lubych pravakacyj», — kaža Nina Šydłoŭskaja. «Nikoli z žyćci chłopcy nie zaklikali da hvałtoŭnych dziejańniaŭ. Nikoli».
Pieršym surjoznym zvankom była fejkavaja ulotka, što źjaviłasia ŭ internecie ŭ niadzielu.
13:38
Nina Šydłoŭskaja źviartaje ŭvahu, što treba ŭdakładniać infarmacyju nakont zatrymanych.
Nasta Daškievič kaža, što Źmicier Daškievič i maładafrontaŭcy znachodziacca ŭ SIZA na Vaładarskaha, advakataŭ nie puskajuć. Advakat siońnia pasprabuje sustrecca ź im.
«Ja ničoha nie viedaju pra vobšuk, jon pravodziŭsia ŭ maju adsutnaść, ci byŭ jon tam, ja nie viedaju. Heta prosta dzika», — kaža Nasta Daškievič.
Jana pieraličvaje zatrymanych maładafrontaŭcaŭ: Źmicier Daškievič, Siarhiej Palčeŭski, Źmicier Kramianiecki, Raman Vasiljeŭ, Uładzimir Jaromienak, Siarhiej Strybulski.
13:42
Pres-kanfierencyja skončana. Valancin Stefanovič dziakuje ŭsim za ŭvahu i zaklikaje sačyć za padziejami.
***
KDB pačaŭ kryminalnuju spravu pa fakcie navučańnia i padrychtoŭki da ŭdziełu ŭ masavych biesparadkach (č. 3 art. 293 KK RB). Zatrymanyja aktyvisty «Biełaha lehijonu» na čale ź Mirasłavam Łazoŭskim, a taksama «Maładoha frontu» na čale sa Źmitrom Daškievičam — usiaho 26 čałaviek. Praviedziena 29 pieratrusaŭ pa miescach ich žycharstva, znachodžańnia i zachoŭvańnia pradmietaŭ i dakumientaŭ.
