BMW panios straty na miljon jeŭra praz dvuch pjanych polskich rabočych
Niamiecki kancern BMW panios amal miljonnuju škodu paśla taho, jak praz dvuch rabotnikaŭ u stanie ałkaholnaha i narkatyčnaha apjanieńnia była spynienaja praca kanviejera, paviedamlaje «JeŭraPraŭda» sa spasyłkaj na Bild.
Incydent adbyŭsia jašče 3 sakavika, kali praca kanviejera dla zborki aŭtamabilaŭ na zavodzie ŭ Miunchienie była spynienaja na 40 chvilin.
Dva rabotniki z Polščy ŭ hety čas znachodzilisia na pracoŭnym miescy ŭ stanie ałkaholnaha i narkatyčnaha apjanieńnia.
Ich vyjavili kalehi i vyklikali chutkuju dapamohu. U kryvi rabočych byli znojdzienyja ałkahol i amfietamin.
Pradstaŭnik kampanii zajaviŭ, što suma strat moža być «u siarednim piaciznačnaja». Pavodle infarmacyi Bild, havorka idzie pra amal miljon jeŭra strat.
Adznačajecca, što zavod upieršyniu spyniaŭ pracu praz ałkahol i narkotyki, jakija ŭžyvali rabotniki.
Pavodle danych vydańnia, abodvuch rabotnikaŭ užo zvolnili z zavoda.
