Treci «Paradak słovaŭ» u Miensku
Čarhovy festyval paezii «Paradak słovaŭ» projdzie z 31 lipienia da 3 žniŭnia.
Miescami praviadzieńnia stanuć muzei Bahdanoviča (vuł. Bahdanoviča, 7A), historyi biełaruskaj litaratury (vuł. Bahdanoviča, 13) dy falvarak «Dobryja myśli» (vuł. Mahiloŭskaja, 12).
Hości festu: litaraturnyja festyvali «Kijeŭskija Łaŭry», «Literaterra» (Nižni Noŭharad), «Vałošynski fest» (Kaktebiel), Taškiencki paetyčny fest (Uzbekistan).
Hanarovaje adkryćcio Festyvalu i pieršyja paetyčnyja čytańni adbuducca 31 lipienia, u čaćvier, a 18:00 u muzei Bahdanoviča.
1 žniŭnia ŭ muzei historyi biełaruskaj litaratury (Bahdanoviča, 13) a 17-j pačniecca viečar biełaruskaj paezii z udziełam Uładzimiera Arłova, Maryjki Martysievič, Źmitra Višniova, Viki Trenas, Siarhieja Pryłuckaha, Andreja Adamoviča, Vitala Ryžkova, Ihara Babkova, Leanida Drańko-Majsiuka, Źmitra Plana, Valžyny Mort, Anatola Ivaščanki dy inšych.
U hety samy dzień u falvarku «Dobryja myśli» (Mahiloŭskaja, 12) a 20-j pačniecca pieršy biełaruski SŁEM. Viadoŭca — Andrej Chadanovič.
Słem adbyvajeca ŭ vyhladzie paetyčnych sparynhaŭ – paety spaborničajuć, padobna bakseram. Tolki nia bjucca, a vieršy čytajuć.
2 žniŭnia ŭ muzei historyi biełaruskaj litaratury — prezentacyi. A 12-j pačniecca prezentacyja prajekta “Litaraturnaje radyjo”, u 13.45 — mižnarodnaha vałošynskaha litaraturnaha festu. A ŭ 15.45 pačniecca prezentacyja mižnarodnaha festu paezii “Kijeŭskija łaŭry” i časopisa “ŠO”.
U muzei Maksima Bahdanoviča (Bahdanoviča, 7a) a 16-j — muzyčna –paetyčny prajekt biełaruskich aŭtaraŭ z udziełam Michasia Bašury, Jurasia Barysieviča, Illi Sina, Alesia Kamockaha i inšych.
U niadzielu, 3 žniŭnia, u falvarku “Dobryja myśli” — a 12-j prezentacyja mižnarodnaha festyvalu paezii «LITERATERRA» i litaraturnaha partału «Literatera» (www.literaterra.ru). U 13.45 — prezentacyja Taškienckaha mižnarodnaha festyvalu i almanachu “Mały šaŭkovy šlach”, a 15-j — viečar aŭtara LITO (Biełaruś). Zakančeńnie festy “Paradak słoŭ” — a 17-j. Udzieł biaruć Valancinu Akudovič, Michał Aniempadystaŭ dy inšyja.
Uvachod na ŭsie mierapryjemstvy volny.
Bolš padrabiaznuju prahramu festu možna znajści na sajcie.
