«Pradaj šabanoŭskuju adnuchu — i pabuduj sabie Biełaruś»
Hety kamient pryjšoŭ u adkaz na inšyja pad materyjałam pra novy videatrejler dla turystaŭ pra Biełaruś.
Sioj-toj narakaŭ, što Biełaruś na videa dalokaja ad Biełarusi realnaj. A voś što napisaŭ čytač Aleh:
«20.02.2017 / 13:31
A vy žyvicie. Zrabicie vakoł siabie takuju Biełaruś. Šmat srodkaŭ nie treba.
Jak minimum — vykińcie stary saŭkovy dyvanok sa ściany j štory. A žyrandolu staruju. Ścieny pafarbujcie. Staruju kanapu abciahnicie ŭ materyjał z prykolnym pryntam, fateli j zedliki adšlifujcie nu j h.d.
Pradaj adnušku ŭ Miensku, u Šabanach, i nabudź pryhožy damok pad Vałožynam, u cudoŭnych miaścinach i žyvi sabie zamožniej, čym u hetym kvadraciku.
Rabi tam pacichu ramont. Terytoryju da ładu davodź. Šmat hrošaj nie treba. Mašynku nabudź. Niedarahuju, ale zrabi ź jaje lalku: u čorny pafarbuj, dyski narmalovyja zrabi, hlancam abdaj, ruchavik pierabiary ŭ znajomych. Dy katajsia sabie ŭ Miensk da raboty. A ŭviečary nazad, da chaty, da pryrody. Adpačyvać. Zdaraviejšy ž budzieš! Što, składana? Ci prosta ŭ padłu? Tak pałova Jeŭropy žyvie i pałova choča hetak. U nas vo, za kapiejki nieruchomaść možna nabyvać.
Pradaj šabanoŭskuju adnuchu — pabuduj Biełaruś».
Što vy dumajecie pra taki płan «pabudovy Biełarusi»? Abmiarkoŭvajcie!
A voś i toj rolik, jaki vyklikaŭ abmierkavańnie.