Biełaruś zakupiła pieršuju partyju nafty ź Irana
Biełaruś upieršyniu nabyła partyju nafty ŭ Irana, paviedamili Reuters čatyry infarmavanyja krynicy.
Dziaržkampanija «Biełarusnafta», pa dadzienych surazmoŭcaŭ ahienctva, zakupiła ŭ Nacyjanalnaj iranskaj naftavaj kampanii (NIOC) 80 tysiač ton nafty (kala 600 tysiač baralaŭ).
Iranskaja nafta była zakuplena praz daččynaje pradpryjemstva «Biełarusnafty» ŭ Polščy, paviedamlaje Reuters. Miarkujecca, što hruz budzie dastaŭleny marskim šlacham u Adesu abo łatvijski Vientśpiłs, a adtul pa čyhuncy nafta budzie pierapraŭlena ŭ Biełaruś.
***
Biełaruś vymušana šukać alternatyŭnyja krynicy pastavak nafty va ŭmovach skaračeńnia pastavak nafty z Rasii ŭ suviazi ź nieŭrehulavanaj sprečkaj pa hazavym doŭhu Minska pierad Maskvoj.
Jašče ŭ studzieni Łukašenka zapatrabavaŭ ad biełaruskaha ŭrada znajści alternatyŭnyja krynicy naftavych pastavak.