Domračava viarnułasia paśla ciažarnaści — i zaniała 37-je miesca ŭ spryncie
6 studzienia na 4-m etapie bijatłonnaha Kubka śvietu ŭ Abierchofie prajšoŭ žanočy sprynt. Pieramohu atrymała češskaja bijatłanistka Habryeła Kaŭkałava, paviedamlaje by.tribuna.com. Darja Domračava zaniała 37-je miesca. Nahadajem, biełaruska viarnułasia paśla paŭtarahadovaha pierapynku.
— Nastroj dobry. Viartańnie adbyłosia?
— Viartańnie adbyłosia. Spadziajusia, što z kožnaj honkaj budu pakazvać usio lepšyja vyniki. Siońnia była pieršaja honka, było ciažka, skažu ščyra. Napeŭna, niedzie zališnie aściarožničała na stralbie. Na trasie taksama starałasia trymać siabie, kab całkam nie spynicca paśla chutkaha paskareńnia. U cełym, start atrymaŭsia.
— Prysutničała chvalavańnie?
— Chvalavańnie prysutničała. Nie skažu, što było zanadta chvalujuča, ale pradčuvańnie hetaha startu, hetych trybun u Abierchofie… Tut zaŭsiody vielmi bijatłonnaja atmaśfiera. Tamu, viadoma, krychu chvalavałasia
— Viedaju, što siamja tvaja pobač. Dzie jany zaŭzieli za ciabie? Adčuvajecca padtrymka?
— Usie pieražyvali ŭ haścinicy. Viadoma, padtrymka adčuvajecca. Spadziajusia, paśla honki taksama budzie padtrymka, — skazała Domračava ŭ efiry «Matč-TV».