Razhadajcie tajnuju movu drybinskich šapavałaŭ TEST
Raskryjcie tajamnicy ŭ novym teście «Movy Nanova» i «Našaj Nivy».
Na terytoryi Biełarusi ŭ staryja časy isnavali štučnyja, tajnyja, sakretnyja movy — movy ramieśnikaŭ, žabrakoŭ, złačyncaŭ.
Ich stvarali dla taho, kab zaciamnić, zrabić niezrazumiełaj svaju havorku dla inšych ludziej. Heta dazvalała zachavać prafiesijnyja sakrety.
Svabodna tajemnymi movami vałodali pieravažna mužčyny, bo jany byli nośbitami prafiesijnych viedaŭ.
Siońnia aktyŭnych nośbitaŭ hetych movaŭ zastałosia mała. Asobnyja słovy i vyrazy zachavali niekatoryja naščadki.
Aktyŭna tajemnyja movy pačali vyvučacca ŭ XIX — XX stst. Adnym ź pieršych źbirać i daśledavać ich staŭ viadomy biełaruski etnohraf i falkłaryst Jeŭdakim Ramanaŭ.
Ciamja Ziulikavych — cučasnyja naščadki drybinskich šapavałaŭ ź vioski Pakućcie Drybinskaha rajonu. Fotazdymki belsat.eu
Tak siadziba vyhladaje zvonku:
Fota Mikity Niedavierkava.
Tajemnyja movy ŭ Biełarusi:
- katrušnicki lemiezień (mova šapavałaŭ ź miastečka Drybin Mahiloŭskaj hubiernii);
- parušnicki lemiez (mova škłoŭskich kraŭcoŭ i šapavałaŭ sa Škłoŭščyny);
- adviernickaja havorka (mova ramieśnikaŭ Kryčava Mahiloŭskaj hubiernii);
- lubiecki lemient (mova žabrakoŭ Mścisłaŭskaha, Čavuskaha, Klimavickaha, Čerykaŭskaha pavietaŭ Mahiloŭskaj hubiernii; a taksama Čarnihaŭskaha i Branskaha pavietaŭ);
- mova siemiežaŭskich žabrakoŭ (vioski Siemiežava Słuckaha pavieta Minskaj hubiernii);
- łabarskaja havorka (mova tak zvanych janaŭskich łabaraŭ — prafiesijnych źbiralnikaŭ achviaravańniaŭ na carkvu (miastečka Janava (Ivanava) Kobrynskaha pavieta tahačasnaj Hrodzienskaj hubiernii).
