Abvieščanaje žury premii «Debiut»
Siem litarataraŭ i hramadskich dziejačaŭ uvajšli ŭ žury novaha siezonu premii
Pavał Bierahovič — staršynia fondu «Viartańnie», fundatar premii;
Anatol Ivaščanka — paet, prazaik, łaŭreat premii «Debiut» u 2016 hodzie;
Viktar Kaźko — piśmieńnik, łaŭreat premii Hiedrojca ŭ 2015 hodzie;
Nasta Kudasava — paetka;
Taćciana Niadbaj — paetka, łaŭreatka premii «Debiut» u 2015 hodzie;
Michaś Skobła — paet, pierakładčyk, eseist;
Cichan Čarniakievič — litaraturaznaŭca, pierakładčyk, litaraturny krytyk.
Premija była zasnavanaja ŭ 2010 hodzie i prysudžajecca štohod za najlepšuju debiutnuju papiarovuju ci elektronnuju knihu, napisanuju na biełaruskaj movie ci pierakładzienuju na jaje, aŭtaru abo pierakładčyku va ŭzroście da 35 hadoŭ na momant vydańnia knihi. «Debiut» ušanoŭvaje maładych aŭtaraŭ, što pišuć u žanrach, u jakich pracavaŭ Maksim Bahdanovič, i ŭručajecca ŭ naminacyjach «Proza», «Paezija», «Mastacki pierakład».
Arhanizatary premii: Sajuz biełaruskich piśmieńnikaŭ, Biełaruski PEN-centr i dabračynny fond «Viartańnie».
