Idzie zbor srodkaŭ na vydańnie novaha pryhodnickaha ramana Ludmiły Rubleŭskaj
Zaraz na płatformie prajektaŭ Talaka.by idzie zbor srodkaŭ na vydańnie novaha historyka-pryhodnickaha ramana Ludmiły Rubleŭskaj «Dahieratyp». Aŭtarka stvaryła dekadansny tvor, kali dziejańnie płaŭna pieraciakaje z sučasnaści ŭ histaryčnaje minułaje, prytym dva zrezy ŭ časie nieparyŭna źviazanyja miž saboju.
Historyja, apisanaja ŭ ramanie, pačynajecca ŭ našu epochu: małady bijołah Haljaš rychtujecca źjazdžać za miažu, ale, raźbirajučy rečy ŭ dziedavaj kvatery, znachodzić stary dziońnik… Pierad čytačom paŭstajuć zahadkavyja padziei kanca XIX stahodździa. Uładalniki fotastudyi ŭ pravincyjnym biełaruskim miastečku, pryhažunia Bahusłava i jaje baćka Varaksa Nichiel, jakija śpiecyjalizujucca na partretach post mortem — zdymkach niabožčykaŭ, vymušanyja adpravicca ŭ ekśpiedycyju, kab zafiksavać nievierahodnuju etnahrafičnuju kalekcyju ŭ hłuchim i złaviesnym majontku Žuchavičy… Dalej pačynajucca paprostu nievierahodnyja, mistyčnyja padziei.
