Adkryvajecca novy siezon premii «Debiut»
Premija prysudžajecca štohod za najlepšuju debiutnuju papiarovuju ci elektronnuju knihu, napisanuju na biełaruskaj movie ci pierakładzienuju na jaje, aŭtaru abo pierakładčyku va ŭzroście da 35 hadoŭ na momant vydańnia knihi. «Debiut» ušanoŭvaje maładych aŭtaraŭ, što pišuć u žanrach, u jakich pracavaŭ Maksim Bahdanovič, i ŭručajecca ŭ naminacyjach «Proza», «Paezija», «Mastacki pierakład».
Dla ŭdziełu ŭ konkursie treba da 31 studzienia 2017 hoda dasłać zajaŭku. Dla hetaha nieabchodna zapoŭnić elektronnuju formu albo dasłać zajaŭku na elektronnuju skryniu [email protected] ci na paštovy adras: 220005, Minsk, vuł. Załataja Horka, 2-101. Da zajaŭki nieabchodna dałučyć elektronnuju viersiju knihi, a taksama pieradać na ofis Biełaruskaha PEN-centra (Minsk, vuł. Załataja Horka, 2-101) 2 asobniki knihi, kali jana vychodziła ŭ papiarovym varyjancie.
Pieramožca premii ŭ kožnaj naminacyi atrymaje ŭznaharodu, ekvivalentnuju 2000 dalaraŭ. Taksama žury moža pryniać rašeńnie pra ŭručeńnie zaachvočvalnych pryzoŭ, ekvivalentnych 500 dalaram. Kolkaść zaachvočvalnych pryzoŭ vyznačajecca žury.
U siaredzinie śniežnia budzie abvieščana žury sioletniaj premii.
Premija «Debiut» imia Maksima Bahdanoviča ŭručajecca z 2011 hoda. Siarod papiarednich pieramožcaŭ premii — Vital Ryžkoŭ, Natałka Charytaniuk, Anton Francišak Bryl, Viktar Marcinovič, Andrej Adamovič, Julija Šarova, Hanna Jankuta, Uładź Lankievič, Kaciaryna Oaro, Kaciaryna Macijeŭskaja, Alaksiej Pałačanski, Taćciana Niadbaj, Anatol Ivaščanka, Śviatłana Rohač i inš.
