Boba Dyłana na Nobieleŭskaj cyrymonii zamienić Paci Śmit
Nobieleŭski łaŭreat pa litaratury 2016 hoda Bob Dyłan pieradaść rukapis svajoj pramovy, jakuju začytajuć na cyrymonii ŭručeńnia premii 10 śniežnia, paviedamiŭ Nobieleŭski kamitet u svaim tvitary.
Paci Śmit maje da litaratury ci ledź nie bolšaje dačynieńnie, čym Bob Dyłan: u vobłaści miemuarnaj prozy ŭ jaje aktyvie ŭžo dźvie vydadzienyja knihi, tady jak u Dyłana — tolki adna. Fota Reuters
Pavodle dadzienych šviedckaha infarmacyjnaha ahienctva TT, za Dyłana pramovu pračytaje siabra Šviedskaj akademii Choras Enhdal, piša VVS.
Na cyrymonii Dyłana budzie pradstaŭlać amierykanskaja muzykant i piśmieńnica Paci Śmit, jakaja vykanaje dyłanaŭskuju kampazicyju «A Hard Rain's A-Gonna Fall» — pieśniu, ź jakoj u 1962 hodzie faktyčna pačałasia papularnaść Boba Dyłana.
Sam amierykanski muzykant zahadzia paviedamiŭ, što prymaje Nobieleŭskuju premiju i jaje hrašovy ekvivalent u 8 młn šviedskich kron (870 tysiač dalaraŭ), ale nie zmoža asabista prysutničać na cyrymonii jaje ŭručeńnia ŭ Stakholmie.