Jak «Naša Niva» šukała muža Jarmošynaj, jaki «dziŭna, što jašče žyvy»
Staršynia Centrvybarkama Lidzija Jarmošyna znoŭ vykazałasia pra svaich byłych mužoŭ.
Nahadajem, što pieršy šlub jana ŭziała ŭ rasijskim Kalininhradzie. Ad Dźmitryja Jarmošyna naradziŭsia syn Alaksiej. Adnak sumiesnaje žyćcio nie skłałasia.
«Hałoŭnaja pryčyna razvodu — jaho złoŭžyvańnie śpirtnymi napojami. Na žal, muž piŭ. Jon pje i ciapier. Dziŭna, ale jon jašče žyvy», — raskazała Jarmošyna.
«Naša Niva» pasprabavała znajści ŭ Kalininhradzie Dźmitryja Jarmošyna, kab dać jamu mahčymaść vykazać svoj punkt hledžańnia. Na žal, situacyju zmahła prakamientavać tolki jahonaja blizkaja svajačka. «Burnaje ałkaholnaje minułaje daje ab sabie viedać — jon nie ŭstaje i nie moža ruchacca, — patłumačyła jana. — Lidzija pravilna zrabiła, kali syšła ad jaho. Inakš jana b ničoha nie dasiahnuła».
Bolšaść svajakoŭ nie padtrymlivajuć adnosinaŭ ź Dźmitryjem Jarmošynym. Pra žyćcio piensijaniera im raskazvaje jahony brat.
Čytajcie taksama: Historyja ŭźlotu babrujskaj jurystki Lidzii Jarmošynaj
