Volski zaśpiavaje ŭ «Misteryi huku»
26 červienia adbudziecca reliz CD-viersii solnaha albomu Lavona Volskaha «Kuplety i prypievy».
26 červienia adbudziecca reliz CD-viersii solnaha albomu Lavona Volskaha «Kuplety i prypievy». U hety ž dzień u 18 hadzin adbudziecca prymierkavanaja da hetaha aŭtohraf-sesija, a taksama ekskluziŭny mini-kancert.
«Kuplety i prypievy» buduć vydadzienyja na CD z šmatlikimi bonusami. Aprača aryhinalnych 10 piesień, vykładzienych u krasaviku na sajcie www.lvolski.com, aŭdyjočastka budzie źmiaščać karaokie-viersii ŭsich piesień, a multymiedyjnaja častka – treš-videa «Eŭravizija» ad Jaŭhiena Novaša.
U buklecie buduć teksty i akordy da albomu, a taksama ekskluziŭny słoŭnik, dzie Lavon Volski tłumačyć roznyja słovy i terminy, vykarystanyja ŭ tekstach. Siarod ich, «baduniec», «korki», «ciorki» i šmat inš.
Nie mienš ekskluziŭnym budzie mini-kancert Lavona Volskaha, jaki adbudziecca ŭ dzień relizu ŭ dyskarni «Misteryja huku» (HC «Ryha»). Heta budzie pieršaje i moža adzinaje žyvoje vykanańnie piesień z albomu.
