Biełaruś prymie Jeŭrapiejskija hulni. Łukašenka: «Ja ŭ hetym nacyjanalist i patryjot»
Biełaruś hatovaja pryniać Jeŭrapiejskija hulni ŭ 2019 hodzie. Ab hetym Alaksandr Łukašenka zajaviŭ siońnia na sustrečy z v.a. prezidenta Jeŭrapiejskich alimpijskich kamitetaŭ Janiezam Kačyjančyčam.
Kiraŭnik dziaržavy padkreśliŭ, što JEAK zaŭsiody moža raźličvać na Biełaruś.
«My nie supierdziaržava, ale sportu ŭdzialajem vialikuju ŭvahu, — adznačyŭ biełaruski lidar. — Vielmi chaču, kab naša jeŭrapiejskaja arhanizacyja ni ŭ jakim razie nie sastupała arhanizacyjam inšych kantynientaŭ, u tym liku Mižnarodnaha alimpijskaha kamiteta. Ja ŭ hetych adnosinach nacyjanalist i patryjot. Tamu vy možacie raźličvać na Biełaruś».
«Kali ŭ vas budzie žadańnie pravodzić u nas lubyja mierapryjemstvy ŭ ramkach hetaj arhanizacyi, my hatovyja ŭ luby momant i padtrymać našu arhanizacyju, i arhanizavać lubyja mierapryjemstvy», — zapeŭniŭ jon.
«My z vami pryniali histaryčnaje rašeńnie, i u 2019 hodzie źbiarom tut jeŭrapiejskich spartoŭcaŭ na našu Alimpijadu», — zajaviŭ Alaksandr Łukašenka.
Kiraŭnik dziaržavy adznačyŭ, što jon znajomy ź pieramovami biełaruskaha boku z kiraŭnictvam JEAK. U suviazi z hetym jon prapanavaŭ nie śpiašacca ŭ vyznačeńni niekatorych detalaŭ. «Naprykład, vyznačyć, jakija vidy sportu, i kolki ich budzie ŭ Biełarusi padčas Alimpijady (Jeŭrapiejskich hulniaŭ).
Ja prychilnik taho, kab siudy zaprasić maksimum spartsmienaŭ. Heta ich śviata. Čym bolš budzie spartsmienaŭ, tym bolš u nas budzie prychilnikaŭ u našaj jeŭrapiejskaj arhanizacyi. I čym bolš vidaŭ sportu my tut arhanizujem, tym bolšaje raźvićcio jany atrymajuć», — skazaŭ kiraŭnik krainy.
Jon dadaŭ, što taksama jość pytańnie praviadzieńnia junackich spabornictvaŭ 2019 hoda.
«My taksama pahladzim na hetyja spabornictvy. Moža, nam udasca, kali heta nie supiarečyć duchu, my, moža być, praviadziem ich u Biełarusi i śledam praviadziem našu Alimpijadu. Heta jak zručniej vam. Hetyja detali my pavinny vyvučyć», — skazaŭ kiraŭnik dziaržavy.
Alaksandr Łukašenka taksama vykazaŭ padtrymku ŭ adras Patryka Chiki, jaki da niadaŭniaha času zajmaŭ pasadu prezidenta Jeŭrapiejskich alimpijskich kamitetaŭ i byŭ abvinavačany ŭ niekatorych pravaparušeńniach.
«U nas jość z vami ahulny dobry siabar — spadar Chiki. Na žal, z nami jaho niama siońnia, ale, ja ŭpeŭnieny, jon da nas dałučycca. Tamu što tyja mietady, jakimi siońnia dziejničajuć asobnyja dziaržavy, jany nieprymalnyja nie tolki dla sportu, ale i dla raźvićcia našaha śvietu ŭ cełym.
Znajšli, na čym čałavieka złavić… Na niejkich kvitkach — čałaviek, jaki sotniami miljonaŭ dalaraŭ rasparadžajecca, budzie dzialić niejkija kvitki… Choć by ŭžo pryčynu prydumali narmalnuju», - adznačyŭ biełaruski lidar.
U svaju čarhu, Janez Kačyjančyč adznačyŭ, što hladzić na prezidenta Biełarusi nie tolki jak na lidara krainy, ale i jak na siabra pa alimpijskim ruchu. «Usio, što vy skazali, całkam supadaje z maim mierkavańniem i maimi padychodami», — skazaŭ jon.
***
Pieršyja jeŭrapiejskija hulni prajšli ŭ Baku ŭ červieni 2015 h. Na Hulniach razyhryvalisia 253 kamplekty ŭznaharod i prymali ŭdzieł 5730 spartsmienaŭ z 50 krain Jeŭropy, jakija zmahalisia ŭ tryccaci vidach sportu, u adzinaccaci ź jakich razyhryvalisia licenzii na letnija Alimpijskija hulni 2016 hoda.
Apytanka
