Zaŭtra ŭ Kijevie kancert sera Poła Makkartni: śpiavak budzie razmaŭlać pa-ŭkrainsku
Kancert, što projdzie na Majdanie niezaležnaści, budzie biaspłatnym.
Pierad pačatkam kancertu śpiavak voźmie ŭrok ukrainskaj movy ŭ specyjalnaha vykładčyka.
«Połu padabajecca razmaŭlać z aŭdytoryjaj na jaje rodnaj movie. Jon pradstaŭlaje aŭdytoryi svaje pieśni na ich rodnaj movie. Heta robić viečarynu bolš pryjaznaj, bolš asabistaj dla kožnaha hledača. U sera Poła Makkartni — dobry słych, i heta dapamahaje vyvučać movu na fanetyčnym uzroŭni vielmi chutka», ‑‑ kaža adzin z členaŭ kamandy śpievaka.
Kancert projdzie ŭ subotu, 14 červienia, na Majdanie Niezaležnaści. Pačatak a 21‑j.
Kancert biaspłatny.
Dabracca da stalicy Kijeva moža ciahnikom №86 Miensk — Kijeŭ. Jon kursuje štodnia. Adjezd ź Miensku ŭ 20:50, prybyćcie ŭ 8:50.
Adjezd z Kijeva na nastupny dzień u 18:18, abo načnym ciahnikom Adesa — Miensk (№93). Jon adpraŭlajecca sa stalicy Ukrainy ŭ 00:52, u Miensk prybyvaje ŭ 12:52.