Fomačkin: Ja rodam z Savieckaha Sajuza
Andrej Fomačkin staŭ hierojem pieršaha dnia Paralimpijady ŭ Brazilii. Padčas cyrymonii adkryćcia Hulniaŭ jon vyjšaŭ na stadyjon «Marakana» z rasijskim ściaham. Takim čynam biełaruskaja delehacyja padtrymała rasiejcaŭ, jakich u poŭnym składzie adchilili ad udziełu ŭ Paralimpijadzie. Andreja Fomačkina za pranos trykałora pazbavili akredytacyi.
Reuters.com
«Kamsamołka» źviazałasia ź im i ŭziała intervju. Fomačkin pakul znachodzicca ŭ Brazilii.
— Ja vykazaŭ ahulnaje mierkavańnie ŭsioj paralimpijskaj siamji, jakoje chtości nie advažyŭsia vykazać usłych ci demanstravać. My pryniali rašeńnie, ja dumaju, jano pravilnaje, kab akazać padtrymku rasijskaj kamandzie, paralimpijcam, jakija nie pryjechali, na žal, na hetyja Hulni. Choć ja ŭvažliva słuchaŭ pryvitalnuju pramovu kiraŭnika Paralimpijskaha kamiteta, i jon skazaŭ, što my ŭsie - častka śvietu. Ale, na žal, čamuści vialikaj častki śvietu nie akazałasia na hetym forumie.
— Była infarmacyja, što mienavita kalasačniki, jakija byli ŭ pieršym šerahu, pavinny byli vieźci ściahi Biełarusi i Rasii.
— Ja ŭ dadzienaj situacyi byŭ zaniaty svaimi dumkami, u mianie svaja zadača była. I pa šlachu ruchu, a tam kalidor doŭhi, šmat siekjuryci stajała, ja nie bačyŭ … Nie mahu kamientavać hetuju situacyju, ja byŭ zamykajučym ŭ kałonie našaj. Fon, ja liču, usio ž taki atrymaŭsia. Śviet ubačyŭ rasijski ściah. Rasijskija spartsmieny mnie pisali paviedamleńni pa vajbieru, dziakavali. Mnie pryjemna, i ŭsim pryjemna.
- Jak u vas zabrali ściah, što skazali?
- Vielmi karektna zabrali. Pryjšli z arhkamiteta, paprasili pradjavić. Ja pakazaŭ, pieradaŭ.
- Vy razumieli, što vas i ŭsiu biełaruskuju zbornuju mohuć pakarać?
- Ja razumieŭ, što mianie pakarajuć adnaznačna. Ale byŭ raźlik na toje, što zbornuju nie pakarajuć. Ja nie źjaŭlaŭsia ni spartsmienam, ni trenieram.
— Toje, što vy rodam z Armavira, paŭpłyvała na toje, što mienavita vy vynieśli rasiejski ściah?
- Ja rodam z Savieckaha Sajuza.
