Biełaruski barec Ibrahim Saidaŭ vyjšaŭ u bronzavy finał na Alimpijadzie-2016
Pradstaŭnik Biełarusi Ibrahim Saidaŭ vyjhraŭ pieršuju boj suciašalnaha raŭndu turniru pa volnaj baraćbie i atrymaŭ prava pazmahacca za bronzavuju ŭznaharodu na Alimpijadzie-2016 u Rya-de-Žaniejra. Pajadynak adbudziecca niedzie ŭ 00:00.
Reuters.com
Paśla paśpiachovaha startu ŭ 1/8 finału, dzie 31-hadovy ŭradženiec Dahiestana Ibrahim Saidaŭ u katehoryi da 125 kh upeŭniena adoleŭ 9-ha numara suśvietnaha rejtynhu kazachstanca Daŭleta Šabanbaja (7:0), u čverćfinale jon biez varyjantaŭ daterminova sastupiŭ dvuchrazovamu čempijonu śvietu (2014, 2015) i trochrazovamu čempijonu Jeŭropy (2012, 2013, 2014) turku Tachie Akhiulu - 0:11.
Zrešty, pakolki turak dabraŭsia da finału, Ibrahim Saidaŭ atrymaŭ mahčymaść praz suciašalny raŭnd pazmahacca za bronzu. Pieršym jaho apanientam staŭ pradstaŭnik Manholii Čułuunbat Jarhałšajchan. Sastupajučy paśla pieršaha pieryjadu (0:1), Ibrahim Saidaŭ pierałamaŭ chod pajadynku i atrymaŭ pieramohu - 4:1.
U bai za bronzu jon budzie spaborničać ź Levanam Bieraniadze (Armienija).