Jość jašče miedal! Biełaruski zavajavali bronzu ŭ bajdarkach-čaćviorkach
Reuters.com
Biełaruski ekipaž u składzie Marharyty Machnievaj, Maryny Litvinčuk, Nadziei Lapieška i Volhi Chudzienka zavajavaŭ bronzu ŭ finale zajezdaŭ bajdarak-čaćviorak na 500 m ŭ Rya-2016 z vynikam 1 chvilina 33,908 siekundy.
Reuters.com
Alimpijski miedal u hetym zajeździe zavajavała Vienhryja (1.31,482), srebra ŭ Hiermanii (1.32,383).
Takim čynam u Biełarusi na Hulniach-2016 vosiem miedaloŭ:
adno zołata (Uładzisłaŭ Hančaroŭ — batut),
čatyry srebry (Maryja Mamašuk — volnaja baraćba, Ivan Cichan — mołat, Darja Navumava i Vadzim Stralcoŭ — ciažka atletyka),
i try bronzavyja ŭznaharody (Alaksandra Hierasimienia — płavańnie, Džavit Hamzataŭ — hreka-rymskaja baraćba; Litvinčuk/Machnieva/Lapieška/Chudzienka — bajdarka).
Siońnia viečaram projdzie finał indyvidualnaha pieršynstva ŭ mastackaj himnastycy (u 10-tku prabilisia Mielicina Staniuta i Kaciaryna Hałkina), a 3-j nočy — finał na 800 m u žančyn (Maryna Arzamasava).