Francuzski himnast atrymaŭ strašny pierałom padčas vystupu ŭ Rya
Dvajny incydent zdaryŭsia z francuzskim himnastam Samiram Ajt Saidam, jaki vystupaŭ u kvalifikacyi Alimpijady ŭ Rya. Padčas vykanańnia praktykavańnia spartoviec niaŭdała pryziamliŭsia i atrymaŭ dvajny pierałom nahi — vialikaj i małoj biercavaj kostki. Chrusnuła na ŭsiu arenu, ale mužny spartoviec vytrymaŭ i nie zakryčaŭ ad bolu.
Fota Rebieki Błekvieł, AP.
Samira Ajt Saida pavieźli ŭ balnicu, ale padčas pahruzki ŭ mašynu chutkaj dapamohi miedyki ŭpuścili nasiłki z traŭmavanym himnastam.
Spartoŭca čakaje apieracyja, ale jon paabiacaŭ, što jašče vystupić na Alimpijadzie-2020 i atrymaje «zołata».
Admietna, što hety 26-hadovy himnast čatyry hady tamu nie trapiŭ na Hulni ŭ Łondanie, bo atrymaŭ takuju samuju traŭmu na inšaj nazie, paviedamlajuć zamiežnyja ŚMI.
