Bierłuskoni pahadziŭsia pradać «Miłan» kitajskim inviestaram
Były premjer-ministr Italii Silvijo Bierłuskoni pahadziŭsia pradać 99,93% futbolnaha kłuba «Miłan» hrupie kitajskich inviestaraŭ, paviedamlaje chołdynh Fininvest.
Suma papiaredniaj ździełki aceńvajecca ŭ 740 młn jeŭra.
Damova była padpisanaja ŭ piatnicu vykanaŭčym dyrektaram Fininvest Daniła Pielehryna i pradstaŭnikom kitajskich inviestaraŭ Chań Li.
Pavodle paviedamleńnia chołdynhu, pakupniki majuć namier inviestavać u kłub 350 młn jeŭra na praciahu troch hadoŭ.
Pieramovy pamiž kitajskimi inviestarami i Bierłuskoni pačalisia ŭ mai hetaha hoda, adnak u červieni jany byli spynienyja z-za biurakratyčnych prablem z kitajskaha boku i apieracyi na sercy, zroblenaj eks-premjeru Italii.
Bierłuskoni ŭžo nie ŭ pieršy raz sprabuje pradać svoj kłub. Letaś jon vioŭ pieramovy z pradprymalnikam z Tajłanda Bi Tajčaŭbołam, adnak ździełka była admienienaja ŭ apošni momant.
Pa vynikach minułaha hoda straty «Miłana» aceńvalisia ŭ 93,5 miljonaŭ jeŭra.
Heta ŭžo nie pieršaja ŭhoda bujnych jeŭrapiejskich futbolnych kłubaŭ z kitajskim biźniesam. Letaś kitajskaja kampanija Dalian Wanda Group nabyła za 45 młn jeŭra 20% akcyj madrydskaha futbolnaha kłuba «Atletyka».
