Futbalist «Krumkačoŭ»: «My padtrymlivajem biełaruskuju movu i imkniomsia raźvivać jaje vykarystańnie ŭ štodzionnym žyćci kłuba»
Paŭabaronca «Krumkačoŭ» Alaksandr Skšyniecki raspavioŭ, što ŭ kłubie imknucca da raźvićcia biełaruskaj movy ŭ štodzionnym žyćci.
— Vy, jak častka kamandy i jaje vice-kapitan, jak dumajecie, u čym składajecca fienomien «Krumkačoŭ», čyj deviz «Lacieć vysoka, hladzieć daloka!»?
— U dušeŭnaj adkrytaści kamandy. U jaje ščyraści i lubovi mienavita da futbołu, da svaich zaŭziataraŭ. U atmaśfiery ŭnutry kalektyvu. Nu i, kaniešnie ž, heta naša kiraŭnictva i trenierski sastaŭ.
— Jakija mety ŭ kłuba na siezon? Ci skiravany vy na toje, što pačatkoviec vyšejšaj lihi z chodu voźmie miedali?
— Hałoŭnaja zadača — atrymlivać ad futbołu zadavalnieńnie i prynosić jaho našym zaŭziataram.
— A jak u kłubie ź biełaruskamoŭnaj nazvaj staviacca da rodnaj movy?
— U vašym pytańni ŭžo jość častka adkazu. Nu a tak my, viadoma ž, padtrymlivajem biełaruskuju movu i imkniomsia raźvivać jaje vykarystańnie ŭ paŭsiadzionnym žyćci kłuba.