Siońnia BATE biare čarhovy start u Lizie čempijonaŭ
Siońnia barysaŭski BATE startuje ŭ novym siezonie futbolnaj Lihi čempijonaŭ. Supiernikam pa 2-m kvalifikacyjnym raŭndzie budzie finski SIK.
Matč BATE — «Roma», jaki skončyŭsia hod tamu pieramohaj barysaŭskaha kłuba, fota Siarhieja Hudzilina.
Pieršaja hulnia projdzie siońnia na «Barysaŭ-Arenie» (pačatak u 21:00, tranślacyja na «Biełaruś-5»). Matč u adkaz — praz tydzień.
«Naša Niva» płanuje vieści repartaž z Barysava.
Kab trapić u hrupavy turnir Lihi čempijonaŭ, treba prajści ŭsie try etapy: druhi, treci i stadyju płej-of kvalifikacyi.
BATE piać razoŭ dabiraŭsia da hrupavoha turnira Lihi čempijonaŭ.
Pieršy raz u siezonie 2008/2009 hh., tady supiernikami ŭ hrupie byli «Reał», «Juvientus», «Zienit» i vielizarnyja čerhi pa kvitki ŭ Minsku.
Taksama barysaŭski kłub vychodziŭ u hrupavy etap uletku 2011, 2012, 2014 i 2015 hh.
Siarod supiernikaŭ biełaruskaha kłuba byli taksama: «Barsiełona» (dvojčy), «Miłan», «Bavaryja» (jakuju pieramahli ŭ Minsku ŭ kastryčniku 2012), «Valensija», «Portu», «Lil», «Šachcior», «Bajer», «Roma», «Atletyk».
Dvojčy BATE vystupaŭ u hrupavym turniry Lihi Jeŭropy: u 2009/2010 i 2010/2011 hh. Siudy jon vybyvaŭ praz asiečki ŭ kvalifikacyi ŁČ.
