Nazvany najlepšy futbalist Jeŭra-2016
UEFA pryznaŭ francuzskaha forvarda Antuana Hryzmana najlepšym futbalistam čempijanatu Jeŭropy.
uefa.com
Hryzman zabiŭ na turniry šeść hałoŭ i addaŭ dźvie vynikovyja pieradačy. U pryvatnaści, jon zabiŭ abodva hały ŭ varoty zbornaj Hiermanii ŭ paŭfinale, jaki zaviaršyŭsia pieramohaj francuzaŭ 2:0.
UEFA taksama skłaŭ simvaličnuju zbornuju čempijanatu, u jakuju trapili čaćviora partuhalcaŭ, troje niemcaŭ i pa dva futbalisty z Francyi i Uelsa. U kamandzie nie akazałasia nivodnaha hulca zbornaj Isłandyi, jakaja stała adkryćciom čempijanatu: isłandcy prabilisia ŭ 1/4 finału, abyhraŭšy anhielcaŭ.
U simvaličnuju zbornuju ŭklučany Ruj Patrysiu, Džošua Kimit, Džerom Baatenh, Piepie, Rafael Hierejra, Toni Kroos, Džo Alen, Antuan Hryzman, Aaron Remsi, Dzimitry Pajet i Kryšcijanu Ranałdu.
Pieramohu na čempijanacie Jeŭropy pa futbole atrymała zbornaja Partuhalii. U finale jana ŭ dadatkovy čas abyhrała francuzaŭ ź likam 1:0.
