Jak pravilna nasić biełaruski narodny stroj FOTA
Luboje adzieńnie treba ŭmieć nasić, heta tyčycca i biełaruskaha narodnaha stroja. Isnujuć peŭnyja praviły, jakija ŭ viaskovaj kultury asabliva nie ahučvajucca, ale jakija varta ŭličvać, kali vy chočacie być apranutymi ŭ adpaviednaści z našaj tradycyjaj.
Mužčyny
1. Kašulu treba abaviazkova padpiarezvać pajasom.
fota Michasia Arakčejeva
2. Pajas pavinien być pad žyvatom. Ni nad žyvatom, ni ŭpopierak žyvata, a mienavita pad žyvatom.
3. Kancy pajasa pavinny źvisać prykładna adnolkava pa daŭžyni i nie musiać ciahnucca pa ziamli.
Žančyny
1. Žanočuju kašulu nosiać zašpilenaj. Toje ž praviła, što i z mužčynskimi kašulami.
2. Spadnica musić dobra siadzieć na talii.
3. Zaviazvać pacierki na vuzieł – sučasnaja moda, tradycyjna tak pacierki nie nasili. Kali daŭhija pacierki ŭvieś čas spaŭzajuć, možna źviazać ich stužačkaj zzadu.
4. Abutak musić pasavać da stroja. Varta padbirać abutak z zakrytymi palcami, na nievialikim abcasie.