10 sakretaŭ pulchnaha amletu
Navat u hetaj niemudrahielistaj stravy jość tonkaści padrychtoŭki: jak uźbivać jaječnuju sumieś, jakija inhredyjenty dadavać i jak jaje smažyć. Siońnia my padzielimsia z vami 10-ju sakretami idealnaha amletu, piša happymama.ru.
1. Patelniu, u jakoj hatujecca amlet, nakryjcie viečkam, zmazanym z unutranaha boku śmietankovym masłam.
2. Čym starańniej vy źmiešvajecie jajki i małako, tym smačniejšym vyjdzie amlet. Ličycca, što najbolš hodny vynik atrymlivajecca mienavita tady, kali masa nie źbivajecca miksieram, a doŭha i staranna źmiešvajecca vienčykam abo videlcam. Načynku dadavajcie ŭ apošniuju čarhu.
3. Smažyć amlet pačynajcie na mocnym ahni, pieryjadyčna pamianšajučy jaho da minimumu.
4. Dla idealnaj pulchnaści dadajcie ŭ 4 jajki 1,5 čajnaj łyžki manki abo muki.
5. Kali ŭ stravu z 4 jajek dadać 2 čajnyja łyžki śmiatany, amlet nabudzie dalikatny śmietankovy smak.
6. Kab amlet vyjšaŭ miakkim i duchmianym, dadajcie ŭ alej trochi śmietankovaha masła.
7. Kali vy chočacie dadać zielaninu ŭ amlet, to nie dadavajcie jaje ŭ jaječnuju sumieś, a pasypcie stravu pry padačy na stoł. Takim čynam vy zachavajecie i vitaminy, i smak, i pach zielaniny.
8. Viadoma, z chatnich jajek atrymajecca maksimalna lohki amlet. Kali vy chočacie zrabić dyjetyčny varyjant, to lepš vykarystoŭvać tolki białki. Kali ž vam patrebien bolš ščylny pa kansistencyi amlet, to vykarystoŭvajcie tolki žaŭtki.
9. Dla taho kab amlet nie apaŭ, dla 1 jajka pryhatujcie 20 mł małaka.
10. Ekśpierymientujcie z dadatkami. Vy možacie stvaryć sapraŭdy ŭnikalny recept amletu, ź jakoha zachočacca pačynać dzień!
Smačna jeści!
