U kancy tydnia ŭ Biełaruś vierniecca zima
Fota Siarhieja Zinina
U Biełarusi ŭ kancy hetaha tydnia ŭstalujecca zimovaje nadvorje, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
U aŭtorak, 15 sakavika, nočču na bolšaj častcy terytoryi, dniom miescami, pieravažna pa paŭdniovym zachadzie krainy, mahčymy karotkačasovyja apadki, u asnoŭnym mokry śnieh. Na asobnych učastkach daroh hałalodzica. Tempieratura nočču -4 — + 2°S, dniom +2 — + 7°S.
U sieradu, 16 sakavika, budzie pieravažna biez apadkaŭ, tolki dniom pa paŭnočnym uschodzie nievialikija daždžy. U asobnych rajonach tuman, nočču i ranicaj słaby hałalod. Tempieratura nočču -2 — -8°S, dniom +2 — +8°S.
U čaćvier miescami projduć nievialikija daždžy, pa ŭschodzie z mokrym śnieham. Nočču i ranicaj u asobnych rajonach tuman, słaby hałalod. Tempieratura nočču -3 — +3°S, dniom +3 + 8°S.
Pačynajučy ź piatnicy i da kanca tydnia ŭłada nad nadvorjem voźmuć aktyŭnyja atmaśfiernyja franty, prachodziačy praz našu krainu, jany buduć zaciahvać chałodnaje pavietra paŭnočnych šyrot, ustalujecca zimovy charaktar nadvorja. Siaredniaja tempieratura čakajecca na 1 —3°S nižej za normu.
Ustalujecca śniežnaje pokryva vyšynioj 1—5 sm
