Na ČS pa bijatłonie biełarusy zastalisia bieź miedaloŭ
Nivodnaha miedala nie zavajavała zbornaja Biełarusi na čempijanacie śvietu pa bijatłonie, što prajšoŭ u narviežskim Chałmienkolenie z 3 pa 13 sakavika. Zrešty, u čempijanacie nie ŭdzielničała trochrazovaja alimpijskaja čempijonka Darja Domračava, harant našych uznaharodaŭ.
Usiaho na ČS było razyhrana 11 kamplektaŭ miedaloŭ. Bolš za ŭsio — šeść załatych, čatyry siarebranyja i adzin bronzavy — zavajavali bijatłanisty Francyi.
Na druhim miescy narviežcy (čatyry «zołaty», dva «srebry» i try «bronzy»), na trecim — niemcy (adno «zołata», try «srebry» i try «bronzy»).
Rasija taksama nie zavajavała nivodnaha miedala.
Apošni etap Kubka śvietu pa bijatłonie projdzie z 17 pa 20 sakavika ŭ rasijskim Chanty-Mansijsku. U ahulnym zaliku ŭ žančyn Nadzieja Skardzina zajmaje 20-je miesca, u mužčyn Uładzimir Čapielin na 47-j pazicyi.