U Facebook źjaviłasia piać alternatyŭ łajku
Facebook uvioŭ piać alternatyŭ łajku. Pry dapamozie novych abrazkoŭ karystalniki mohuć skazać nie tolki «Mnie padabajecca», ale i pryznacca ŭ kachańni, zaśmiajacca, ździvicca, vykazać smutak i hnieŭ.
Kab pastavić novuju emocyju, u mabilnaj aplikacyi treba zacisnuć łajk, a ŭ veb-viersii navieści kursor i pačakać.
Testavańnie niekalkich emocyj pačałosia ŭ kastryčniku 2015 hoda — tady heta pačało pracavać tolki ŭ ispanskaj i irłandskaj viersijach sacyjalnaj sietki, pieradaje meduza.io. Ciapier mahčymaść pastavić smajlik pad postam dastupnaja ŭsim karystalnikam.
Zasnavalnik Facebook Mark Cukierbierh, anansujučy novyja mahčymaści, kazaŭ, što smajliki, viadoma, nie knopka «Nie padabajecca» (jakuju čakali šmatlikija juziery), ale jany ŭsio ž dazvalajuć pa-novamu reahavać na publikacyi.
