Padzieńnie z paskareńniem: ekanomika Biełarusi ŭ studzieni źniziłasia na 4,3%
U studzieni 2016 hoda vałavy ŭnutrany pradukt Biełarusi ŭpaŭ na 4,3% da studzienia 2015 hoda, skłaŭšy 73,2 trłn, paviedamlaje Nacyjanalny statkamitet. Pa vynikach 2015 hoda biełaruskaja ekanomika ŭpała na 3,9% da 2014 hoda, u studzieni minułaha hoda padzieńnie składała 0,8%.
Abjom vypusku pramysłovaj pradukcyi źniziŭsia na 6,8%, skłaŭšy 58,7 trłn. Zapasy hatovaj pradukcyi na kaniec studzienia vyraśli da 35,7 trłn rubloŭ, abo 74,3% ad siaredniamiesiačnaha abjomu vytvorčaści suprać 68,7% na kaniec hoda.
Vypusk sielskahaspadarčaj pradukcyi haspadarkami ŭsich katehoryj ułasnaści vyras na 0,9% da 6,4 trłn.
Inviestycyi ŭ asnoŭny kapitał skłali 10,7 trłn, što na 19,3% mienš, čym za studzień 2015 hoda. Sa zhadanaj sumy 6,1 trłn prypadaje na budaŭniča-mantažnyja raboty (minus 18,8% da studzienia minułaha hoda). Zatraty na nabyćcio mašyn i abstalavańnia skłali 2,8 trłn rubloŭ (minus 32,6%).
U studzieni ŭviedziena ŭ stroj 473,6 tys. kv. m žylla, što na 25,6% mienš, čym u anałahičnym pieryjadzie minułaha hoda.
Roźničny tavarazvarot dasiahnuŭ 27,2 trłn rubloŭ (minus 1,8%), aptovy — 47,9 trłn (minus 4,8%).
Na hety hod ŭłady płanujuć minimalny rost ekanomiki (na ŭzroŭni 0,3%). Mižnarodnyja finansavyja instytuty prahnazujuć źnižeńnie VUP Biełarusi na 0,5-1%. Ale ŭsie hetyja raźliki nie ŭličvali turbulentnaść, u jakuju trapiła Biełaruś i jaje asnoŭny handlovy partnior Rasija ŭ pačatku 2016 hoda
