Minskaje pradpryjemstva znachodzicca pad pahrozaj likvidacyi z-za zapazyčanaści pa zarobku
Minskaje pryvatnaje pradpryjemstva, jakoje maje niekalki kirunkaŭ dziejnaści, znachodzicca pad pahrozaj likvidacyi z-za zapazyčanaści pa zarabotnaj płacie pierad svaimi rabotnikami, paviedamiŭ na sustrečy z žurnalistami 16 lutaha prakuror Minska Siarhiej Chmaruk.
«Letaś u Minsku było 17 pradpryjemstvaŭ, jakija mieli zapazyčanaść pa zarabotnaj płacie pierad svaimi rabotnikami. Dziakujučy dziejańniam usich dziaržaŭnych orhanaŭ pa vynikach hoda takich pradpryjemstvaŭ zastałosia try. U dačynieńni da adnaho z pradpryjemstvaŭ, jakoje nie vykonvała svaje abaviazacielstvy pa vypłacie zarpłaty, prakuraturaj horada pradjaŭlenaja zajava ab jaho likvidacyi. Ciapier sprava razhladajecca ŭ ekanamičnym sudzie», — skazaŭ Chmaruk.
Nazyvać hetaje pradpryjemstva jon nie staŭ, zajaviŭšy, što ciapier jano «žyvoje, tam pracujuć ludzi». «Pabieražem jaho», — skazaŭ prakuror Minska.
«Ciapier hetaje pradpryjemstva adšukvaje maksimalnyja mahčymaści dla taho, kab pahasić zapazyčanaść pa zarabotnaj płacie. Pahasić — prakuror admovicca ad isku. Samaje hałoŭnaje, kab ludzi pracy atrymlivali zaroblenyja hrošy», — zajaviŭ Chmaruk.
Pry hetym prakuror Minska adznačyŭ, što ŭ hetaha pradpryjemstva «akramia vialikaj zapazyčanaści pierad rabotnikami majecca zapazyčanaść i pa padatkach, zborach». «Ale i jamu vielmi šmat pavinny. Kali z hetym pradpryjemstvam buduć raźličvacca jaho kontrahienty, jano budzie mieć mahčymaść pahasić svaje daŭhi i dalej zajmacca svajoj vytvorčaściu», — upeŭnieny Chmaruk.
Jon spadziajecca, što pradpryjemstva raźličycca z rabotnikami, i prakuratura adklikaje svoj isk.
