Unikalny materyjał dla vyrabu čyhunačnych rejek stvaryli biełaruskija navukoŭcy
Biełaruskija navukoŭcy stvaryli novy, jaki nie maje anałahaŭ u śviecie, kanstrukcyjny materyjał pad nazvaj Monicu, ź jakoha mietadam lićcia možna vyrablać čyhunačnyja rejki, paviedamili ŭ Biełaruskim univiersitecie transpartu.
Pa słovach prafiesara univiersiteta Leanida Sasnoŭskaha — adnaho z aŭtaraŭ vynachodki, novy materyjał pa svaich techničnych charaktarystykach zajmaje siaredniaje stanovišča pamiž čyhunom i stallu. Jaho nazva ŭtvoranaja ad pačatkovych litar troch chimičnych elemientaŭ: malibdenu, nikielu i miedzi. Mienavita hetyja mietały, jakija vykarystoŭvajucca ŭ peŭnaj praporcyi ŭ jakaści dadatkaŭ u pracesie płaŭki čyhunu, nadajuć materyjału asablivyja ŭłaścivaści: tryvałaść stali, vysokija technałahičnyja i słužbovyja ŭłaścivaści, jak vysokatryvałaha čyhunu (dva ŭ adnym).
Jak viadoma, na praciahu ŭžo bolš za 100 hadoŭ va ŭsim śviecie vyrablajuć tolki stalovyja rejki. U pracesie ekspłuatacyi jany znošvajucca i rujnujucca. Štohod na ich zamienu vydatkoŭvajucca vielizarnyja srodki. Naprykład, 1 km stalovych rejek u adnanitačnym vymiareńni kaštuje prykładna $65 tys.
Navukoŭcy śćviardžajuć, što kali rejki rabić z Monicu, to ich košt źnizicca ŭdvaja. Lićcio — bolš prostaja i tannaja technałohija ŭ paraŭnańni z prakatam stalovych anałahaŭ. Pry pierachodzie na lićcio vydatki tolki na elektraenierhiju pamianšajucca na 50%.
Byli vyrablenyja čatyry ekśpierymientalnych rejki Monicu. Praviedzienaja ich ekspłuatacyja na šlachach arhanizavanaha ruchu ciahnikoŭ Homielskaj dystancyi na praciahu 16 miesiacaŭ (usie siezony hoda). Zatym rejki źniali i abśledavali. Vyniki pakazali, što ekspłuatacyjnaja stojkaść u novych rejek prykładna takaja ž, jak u stalovych.
Vynachodnictva biełaruskich navukoŭcaŭ praanalizavana na pasiadžeńni hałoŭnych inžynieraŭ čyhunačnych administracyj dziaržaŭ Jeŭrazijskaha ekanamičnaj sajuza, jakoje niadaŭna prajšło ŭ Homieli. Śpiecyjalisty adnadušna padtrymali prajekt i rekamiendavali pravieści dalejšyja vyprabavańni rejek z Monicu z metaj zabieśpiačeńnia biaśpieki ruchu.
Zaraz rychtujecca biełaruska-rasijskaja sustreča na vysokim uzroŭni, u chodzie jakoj pavinien być vypracavany płan pa arhanizacyi vytvorčaści litych rejek. U ciapierašni čas razhornutaja daŭžynia čyhunačnych šlachoŭ Rasii i Biełarusi składaje bolš za 150 tys. km. Akramia taho, majecca jašče 100 tys. km padjaznych šlachoŭ da pramysłovych pradpryjemstvaŭ. Patencyjał rejkavaha rynku Sajuznaj dziaržavy aceńvajecca ŭ 1 młn t u hod.
