«Najchutčej, usio ŭžo vyrašana prezidentam, ale ŭsio ž pišu, spadziajusia»
Ilustracyjnaje fota Siarhieja Hudzilina.
Čytaju vaša vydańnie, liču jaho samym praŭdzivym, tamu i pišu vam. Ja ni na što nie spadziajusia, dasyłajučy vam hety list. Najchutčej, usio ŭžo vyrašana prezidentam, ale pišu ab tryvožnym pytańni.
Złabadzionnaja tema našaha siońniašniaha žyćcia — pavieličeńnie piensijnaha ŭzrostu dla žančyn. Nu jak možna dadumacca da hetaha? Ci jość sumleńnie ŭ taho, chto raspracoŭvaje i prapanuje hetuju prahramu? Presa zaŭsiody znojdzie patrebnuju kolkaść asob i pryhožyja słovy dla ich, jakija skažuć tak pa roznych asabistych pryčynach. I kali prezident kaža pra toje, što pa hetym pytańni budzie raicca, to my ŭpeŭnienyja ŭ tym, što budzie tak, jak jon skaža.
Asnoŭnaja masa pracujučych žančyn dumaje pra heta zusim inakš.
1. Nu jak možna davać dla razvahaŭ usim nam tablicu piensijnaha ŭzrostu pa krainach? Usio spaznajecca ŭ paraŭnańni, ale ŭ paraŭnańni nie ličbaŭ, a ŭ paraŭnańni z uzroŭniem žyćcia žančyn. Mnohija ž z nas prosta vyžyvajuć, a nie žyvuć na svaje mizernyja zarobki, a paśla i piensiju (u 2015-m jana vyrasła na 5%, a ceny na ŭsio na kolki?). Pra ŭzrovień žyćcia ŭ ich i ŭ nas nie varta i kazać.
2. Zdaroŭje žančyn. Šmat kažam pra kłopat ab zdaroŭi žančyn, a na samaj spravie? Pahladzicie na čerhi ŭ paliklinikach, u lakarniach! Siońnia ŭ našaj krainie niama zdarovych ludziej, u tym liku žančyn, jość prosta drenna abśledavanyja.
3. Ci stanie bahaciejšaj respublika ad pavieličeńnia piensijnaha ŭzrostu? Kali chtości ŭ niejkaj halinie zmoža papracavać jašče paśla 55-ci, dyk chaj papracuje, a chtości maryć, tolki chutčej by 55, kab možna było choć krychu pažyć na piensii. I takich bolšaść.
Alaksandr Ryhoravič maje racyju, što na vybarach prezidenta (2015) my zrabili pravilny vybar za mir i spakoj u krainie, jaho praŭda. Ale, hałasujučy za jaho kandydaturu, my byli ŭpeŭnienyja, što našaje žyćcio pavinna ŭsio-taki lepšać choć krychu, ale štohod. Pavieličeńnie ž piensijnaha ŭzrostu dla žančyn adkinie nas značna nazad, pahoršyć adrazu ŭsio.
U dalokija ciažkija časy saviecki satyryk Arkadź Rajkin časta kazaŭ: «Kolki hod žyvie čałaviek? 6 hod da škoły i … na piensii», — praciahniecie vy. A nam hetaha terminu i nie pražyć pa Rajkinu. Spadziajomsia na ŭsiomahutnuju siłu presy, kab dumka nas, prostych žančyn, była pačutaja.
