Novyja kramy ŭ Minsku, jakija varta naviedać FOTA
Z kožnym hodam usio bolš i bolš kram adčyniajecca ŭ Minsku. Biełaruskaja mova i kultura siońnia stanoviacca prykładam dobraha markietynhu. U navahodniaj mituśni vy, mahčyma, mahli prapuścić adkryćcio novych kram, jakija adkrylisia adnosna niadaŭna, i vartyja vašaha naviedvańnia.
Knižnaja krama vydaviectva «Halijafy» (vuł. Staravilenskaja, 6)
«Halijafy» nie novaja kniharnia, ale ŭ Trajeckaje pradmieście jany pierajechali adnosna niadaŭna.
U kniharni stała bolš miesca, tamu ciapier, akramia prodažu knih, tam ładziacca roznyja imprezy i tvorčyja viečary. U pryvatnaści litaraturnaje abjadnańnie «Vobła» kožny paniadziełak z 20:00 da 22:00 pravodzić sustrečy litarataraŭ i dla litarataraŭ (maładych i daśviedčanych) dla supolnaha čytańnia i ŭzajemnaha abmienu dumkami.
«Aleksijevič vielmi chutka raskuplali. U nas tolki 5 knih zastałosia», — raspaviała pradavačka. «Usie knihi rasstaŭlenyja pa žanrach, asobnyja palički — dla dziciačaj litaratury.»
Śviežy numar Naša Nivy ŭžo ŭ kniharni i čakaje vas.
Akramia knih možna nabyć nievialikija suvieniry, sakołki i h.d.
Etnacentr «Rahna» (vuł. Karala, 22 / vuł.Suchaja, 4)
Kali korataka, to heta krama z roznymi biełaruskimi cackami, ŭpryhožańniami i vopratkaj.
Kali tvaram stać da hetych voknaŭ, to ŭvachod sprava.
Sam etnacentr nie novy, jon isnuje ŭžo davoli doŭhi čas. U asartymiencie vializarnaja kolkaść ručnych pracaŭ, vokładki, knihi, zavušnicy i h.d.
Naprykancy minułaha hodu etnacentru addali druhi pavierch u tym ža budynku, ale ź inšaha boku. Heta dazvoliła im našmat pavialičyć kolkaść i asartymient pradukcyi.
Tam, pakul što, niašmat čaho. Ale ŭžo možna nabyć adzieńnie firmy «Honar» i zbany.
Afłajn-krama «LSTR»
Andehraŭdny brend Biełarusi vyrašyŭ adkryć afłajn-kramu. Pry hetym daloka iści nie treba. Krama znachodzicca na tym ža druhim paviersie etnacentra «Rahna».
Sama krama vytrymana ŭ minimalistyčnym styli. Vybar, pakul što, nievialiki, ale zrazumieła što kali budzie popyt, to pamieraŭ i vopratki budzie bolš.
Tut možna nabyć jakasnuju sapraŭdnuju vyšyvanku.
Krama «Moj rodny kut» (HC «Maskoŭska-Vienski», paviljon 333)
Chtości skaža, što «Moj rodny kut» isnuje ŭžo daŭno. Ale tolki z pačatku śniežnia tudy pačali masava zavozić pradukcyju Symbal.by, a na prezientacyi alboma Krambambuli u «Maskoŭska-Vienskim» handlovym centry byŭ anšłah.
Tut vy zmožacie «abvyšyvanić» siabie, svajakoŭ, siabroŭ, kvateru, mašynu i h.d. U kramie jość maleńkija i vialikija pamiery, pradajucca sakołki, bajki, šapki dy šaliki, karaciej kažučy, vopratka na kožnuju paru hoda.
Cana adpaviadaje jakaści. Imavierna, dastupnaść i stała sakretam pośpiechu tych ža vyšymajek. Jany pradajucca ŭsiaho pa 200 tysiač.
Krama «Biełaruskaja Prastora» (HC «Maskoŭska-Vienski», paviljon 205)
Heta krama-pačatkoviec adkryłasia ŭ śniežni minułaha hodu i zładziła anšłah nievialikim kancertam NAVI.
Tut vam dapamohuć sabrać dzicia ŭ škołu. Jość ŭsio nieabchodnaje: sšytki, asadki, ałoŭki i h.d. Taksama zmožacie nabyć suvienir ci inšy padarunak dla svaich siabroŭ, dziaŭčyny / chłopca.
Šmat roznych vyrabaŭ ručnoj pracy. Kožny tavar ŭ kramie maje biełaruskuju, nacyjalnuju afarboŭku.
***
Chutčej za ŭsio heta tolki pačatak i my zmožam pabačyć jašče bolš miescaŭ ź biełaruskim i niešabłonnym asartymientam. Ludzi, jakija ich stvarajuć, imknucca ŭnieści štości svajo ŭ kulturu. U hod kultury biełarusy zmohuć pakazać, što majuć svaju admietnuju kulturu i tradycyi. Padstava dla hetaha ŭžo jość.